02 Қараша, 2010

Ізденіс іздері

442 рет
көрсетілді
1 мин
оқу үшін
Өткен жылы халықаралық түркі мәдениеті мен өнерін бірлесе да­мыту ұйымының ХІІ тәжірибелік зерт­ханасында суретшілердің ха­лық­ара­лық көрмесі өтіп, оған біздің елі­мізден суретші Жеңіс Кәкенұлы­ның да туындылары қойылған болатын. Түркияның Самсун қала­сында бас­талып, Амасия қаласында өз жалға­сын тапқан аталмыш көр­меде Жеңіс Кәкенұлы өзінің “Ама­сия” атты туындысын Түрік Рес­публикасының Президенті Абдулла Гүлге тарту ет­кенінен де бұ­қаралық ақпарат құрал­дары арқылы хабар­дар­мыз десек, ҚР Ұлт­тық акаде­миялық кітапхана­сында, міне, тағы да Жеңіс Кәкен­ұлының “Квин­тэссенция” атты жеке көр­месі өтті. Онда суретшінің 59 жұмысы өнер­сүйер қауымның назарына ұсынылды. Қашанда ізденіс жолында жүре­тін Жеңіс Кәкенұлы бейнелеу өнерінің барлық түрінде, соның ішінде компьютерлік графикада да өз қолтаңбасы бар. Ал автордың жеке көрмесіндегі туындылар ішін­де кескіндеме суреттерінің алар орны ерекше. Осы жанр арқылы суретші өз шығармашылығының әрқилылығын танытып тұрғандай. Сонымен қатар, көрмеге табиғат көріністері, петроглифтер және тәмсіл суреттер қатар қойылған. Жеңіс Кәкенұлының суретші ғана емес, оның көп­­теген әріп­тес­терінің шы­ғар­ма­шы­­лықтарын тал­дап мақала жаза­ты­ны да өз алдына әң­гіме. Бұл мақала­ларында ол оқыр­манға сурет­шілер әлемін, әріп­тес­тері­нің дүние­таны­мын көрсетуге тыры­сады. Республикалық “Ақ желкен”, “Ай”, “Зерде” журналдарында суретші болып еңбек еткен Жеңіс Кәкенұлы сондай-ақ көптеген отандық және шетелдік көрмелерге де жиі қатысып тұрады. Оның шығармашылығының өзінше дара, ешкімге ұқсамайтын­дығын білетін жұртшылық бұл көр­мені тама­шалауға да молынан жиналды. Арай ҮЙРЕНІШБЕКҚЫЗЫ.