“Тобыл” – чемпион!

Өткен аптада футболдан Қазақстан премьер-лигасының биылғы маусымы мәресіне жетті. Осы жылы теңбіл доп додасына түскен 12 команданың ішінде Қостанайдың “Тобыл” клубы Қазақстан чемпионы атанды. Бұл чемпиондық атақ қос­та­най­лықтарға оңай келген жоқ. Мау­­сымашарда өзге коман­да­лар­дан көп ұпай алға шыққанымен “Тобыл” жарыстың соңғы турларында өзінің өкшесін басып келе жатқан “Ақ­төбе” командасымен чем­пи­ондық атаққа бір ұпай айырмашылығымен та­ла­­­сып бақты. Егер биылғы мау­­­­сымның соңғы турында “Тобыл” сырт алаңда “Аты­­рау” клубын 2:0 есе­бімен жеңбегенде, онда осы жыл­дың чемпиондық ата­ғын Қара­ғандыда “Шах­тер” командасын 0:2 есе­бімен ұтқан “Ақтөбе” клу­бы же­ңіп алар еді. Бірақ сын сағатта сыр бермеген қостанайлық аяқдоп­шы­лар 2002 жылдан бері жыл сайын қай­таланып келе жатқан екінші жә­не үшінші орынды иелену деген дәс­­түрді бұзып, бас жүлдені қан­жы­ға­сына байлап кетті.  Ал “Тобыл­дың” 2002 жылы үшінші, 2003 жылы екінші, 2004 жылы үшінші, 2005 жылы екінші, 2006 жылы үш­інші, 2007 жылы екінші, 2008 жы­лы тағы да екінші, ал өткен жылы төр­тінші орынды иеленгенін жан­күйер қауым жақсы біледі. Сөйтіп, би­ыл­ғы маусымда бас жүлдені иеленген қостанайлықтардан кейін екінші орынды былтырғы чемпион “Ақ­төбе”, үшінші орынды Пав­лодар­дың “Ертіс” командасы жеңіп алса, төр­­тінші орынды “Ертістен” өз ала­ңын­­да 0:1 есебімен жеңілген Ас­та­наның “Локомотив” клубы қана­ғат тұтты. Маусымның соңғы турында ойналған басқа матчтар мынадай есеппен аяқталды: “Тараз” – “Қайрат” 0:0, “Оқжетпес” – “Жетісу” 1:0, “Ақ­жайық” – “Ор­дабасы” 4:0. Мергендер: Ұлықбек Бақаев (“Тобыл”) – 16 доп, Нұрбол Жұ­­масқалиев (“Тобыл”) – 15, Георги Даскалов (“Ертіс”) – 15, Мозес Са­ки (“Ақжайық”) – 14, Данило Бе­лич (“Жетісу”) – 13, Игорь Бугаев (“Локомотив”) – 11, Мұрат Тіле­шев (“Ақтөбе”) – 10, Глеб Мальцев (“Ертіс”) – 9, Самат Смақов (“Ақтөбе”) – 9, Алдин Джидич (“Шах­тер”) – 8, Андрей Фи­нон­ченко (“Шахтер”) – 8, Дәуребек Тәжімбетов (“Ордабасы”) – 8. Турнир кестесі 1-6 орындар О             Командалар         О             Ж            Т             Ұ             Доптар  Ұ 1              “Тобыл”               32            19            7              6              53-25      64 2              “Ақтөбе”              32            19            6              7              56-30      63 3              “Ертіс”  32            16            8              8              39-30      56 4              “Локомотив”      32            14            8              10            41-28      50 5              “Атырау”             32            13            5              14            36-44      44 6              “Шахтер”              32            11            8              13            32-30      41 7-12 орындар 7              “Жетісу”              32            13            10            9              36-26      49 8              “Ордабасы”         32            12            9              11            37-34      45 9              “Тараз” 32            9              10            13            36-40      37 10            “Қайрат”              32            6              11            15            17-38      29 11            “Ақжайық”          32            7              5              20            33-58      26 12            “Оқжетпес”         32            6              7              19            24-57      25