Мәдени барыс-келістің берері мол

Жақында Моң­ғолияның Қазақ­стан­дағы мәдениет күндеріне ар­нал­ған көптеген іс-шаралар өт­кі­зілді. Қазақстан Республикасы Мә­дениет министрлігінің қолдауымен, “Қазақ әуендері” акционерлік қоғамы барлық іс-шараларға бас-көз болды. Қазақстан мен Моңғолияның ұзақ жылдардан бері қалыптасқан дипломатиялық қарым-қатынас­та­ры екі елдің ынтымақтастық ба­ғы­тындағы көптеген жұмыстарға ұй­ыт­қы болып келеді. Екі елдің тұ­рақ­ты саяси, экономикалық, мә­де­ни, гуманитарлық байла­ныс­та­ры­ның негізгі бастауында екі ел пре­зиденттерінің жасасқан ресми са­парлары мен үкіметаралық ке­ліс­сөздердің тұрғаны мәлім. Үкі­мет­аралық сауда-экономика, ғылыми-техникалық және мәдени ынтымақ жөніндегі ықпалды шешімдер екі мемлекет арасын бұрынғысынан да жақындастыра түсуде. Кез келген елмен оңтайлы дипломатиялық алыс-беріс орнату еліміздің басты стра­тегиялық мақсаты болып та­бы­латындығы Қазақ елінің ақ таңы атқаннан бері өзімізге ғана емес, күл­лі әлемге де аян ақиқат. Сол се­беп­ті де өзге жұрт­тардың Қа­зақ­­стан­мен арадағы ық­палдас­тықты не­ғұр­лым кү­шей­туге деген ынтасы зор. Моңғол делега­ция­сын бастап кел­ген Моң­ғо­лия­ның Білім, ғылым және мәде­ниет ми­нис­трлігінің ви­це-ми­нистрі Ку­лан­да Чо­ной бұл жолғы Қазақ­­станға жаса­­ған сапары бары­сында еліміз­дің құ­зырлы орын басшы­ла­ры­мен ынтымақтастықты одан әрі дамыту жөнін­дегі уағдаластыққа қол жет­кенін атап өтті. Моңғолияның мә­де­ни­ет күндері аясында осы елдің өн­ер жұлдыз­да­рының кон­церт­тік бағ­дар­­ла­ма­сы, сурет кө­рм­елері мен кино­туындыларының көр­сетілімі өткі­зіл­ді. Моң­ғол мә­дениеті моң­ғол­­дардың көшпенді өмір салтымен байла­ныс­­ты. Соны­мен қатар, ти­­бет­тік, буд­да­лық, қы­тай және орыс мәде­ни­ет­те­рімен ұш­тасып жат­­қан ұлттық құн­дылықтар моңғолдар салт-дәс­тү­ріндегі алатын орны да ерекше. Өзі­нің шығу тегі мен от­басына деген құрметін моң­ғолдар әр мәдени ту­ын­дыда ашып көр­се­те­ді. Мұны сурет көрме­ле­рі­нен, кинокартина­ла­рынан аңғару қиын емес. Моңғол му­зыкасының биік шыңы – аспап­ты ансамбл­ьдер­дің ор­ындауындағы әуендер. Халық ас­пап­тары: аманхур, моринхур (моң­­ғол­дың виолончелі) мен лимб (бамбук сы­бызғысы) ас­­паптары олар­дың ұлттық музыка­сын­дағы ала­тын орны бөлек екеніне концерт барысында куә болдық. Мәдениет күндері барысында екі ел арасына алтын кө­пір болып жүр­ген белгілі ғалым, академик Ислам Қа­быш­ұлының “Тұран әлемі” атты кітабының тұ­саукесер рәсімі өтті. Осы­ған дейін “Ұрпа­ғың үзіл­­месін” тарихи роман-трило­гия­сы, “Құ­­лан­ды қу­майды”, “Келбет ке­сі­рі”, “Ақ­сұң­қар құстың ите­л­­гісі” деген талай сү­белі еңбектердің ав­то­ры Ис­лам Қабыш­ұлы­ның бұл жолғы кітабы­ның та­ныс­ты­ры­лы­мына ҚР Мем­­лекеттік тарих инс­­­­­титу­тының дирек­то­ры Бүр­кітбай Аяған, жазушы Әнес Сарай, ғалым Тұр­сын Жұрт­бай, ақын Серік Тұр­ғын­беков, тағы басқа­лар қа­тыс­ты. Ислам Қабыш­ұлы – моң­ғол­дың әдебиеті мен мәде­ниетіне, тари­хы­на бір кісідей үлес қосқан қазақ зия­лысы. Сон­дықтан да ол кісіге көрсетілген құр­меттер ешқа­шан да көптік етпейді. Моңғолияның мәдениет күнде­рі­нің соңы Конгресс-Холл са­рай­ында болған концерттік бағ­дар­ла­мамен салтанатты түрде аяқталды. Арай ҮЙРЕНІШБЕКҚЫЗЫ.