Балалар бір жасап қалды

Облыстық халық шығармашылығы үйінде дүниежүзілік балалар күніне арналған “Барлық әлем мен үшін” онкүндігі аясында өткізілген шаралар қорытындыланды. Онкүндікті өткізуге об­лыстық балалар құқығын қорғау департаменті ұйытқы болды. Осы шара шеңберінде қала мектеп-гимназиялары мен лицейлер оқушы­лары ара­сында “Мен өмір сүріп отырған әлем­де” атты сурет, Тамды және Жайсаң мектеп-ин­тернаттары, №13 Жайсаң кәсіптік лицейі арасында қолданбалы өнерден “Шеберқолдар” көрмелері өткізілді. Сондай-ақ, “Күштілер турнирі” спорттық жарысы ұйымдастырылды. Бұл онкүндік шараларды өткізуге “Забота-Қайы­рым­дылық”, “Бесік” балалар қоры” қоғамдық қорлары және “Нефте­ГазДем” үкіметтік емес зейнетақы қоры Ақтөбе филиалы, “Мега Ақтөбе” ойын-сауық орталығы демеушілік қол­дау көрсетті. Көрмелер мен спорт­тық жарыс жеңімпаздары мен белсенді қатысу­шылар арнаулы дипломдармен және бағалы сый­лық­­тармен марапатталды. Мерекелік шара облыс­тық халық шығармашылығы үйі өнерпаз­дарының концертіне ұласты. Сатыбалды СӘУІРБАЙ, Ақтөбе облысы.