Экономика тақырыбының жазылуы қалай?

Елімізде жыл сайын өткізі­летін медиа-құрылтай аясында ұйымдастырылған кезекті іс-шара мемлекеттік тілдегі басылымдарда экономика мен өнеркәсіп тақы­рыбының өрісін одан әрі ке­ңейтуге арналды. «ҚазМұнайГаз» ұлттық компаниясының Алматыда Қазақстан баспасөз клубымен бірлесіп өткізген жиынында негізінен баспасөз бетінде өндірістің күрделі де ауқымды мәселелерін кеңінен қозғап, оны талдаудағы жоғары біліктілік пен шеберлікті таныту жолдары сөз болды. «ҚазМұнайГаз» АҚ басқарма төрағасының орынбасары Болат Палымбетов, республикалық «Ай­қын» газетінің бас редакторы Нұр­төре Жүсіп, «Қазақстан» ұлттық телеарнасының бас редакторы Қай­нар Олжай, «Abai.kz» сайтының үйлестірушісі Айдос Сарым және басқалар экономика мен өнеркәсіп тақырыптарының аясын тереңде­тудің өзекті жолдары туралы өз пікірлерін ортаға салды. Қазақстанда жүргізілген нарықтық реформа­лар­дың ең өткір әрі ең ауыр кезең­дерінде халыққа қиындықтан шы­ғудың жолдарын ұсынған қазақ баспасөзінің басымдығын тілге тиек еткен Нұртөре Жүсіп мемлекеттік тілдің келешекте де өз биігінен көрінетіндігіне сенім білдірді. Қиын да күрделі экономика та­қырыбын жетік игеру, сондай-ақ мұнай-газ саласын қамтитын ма­те­риалдардың сапасын арттыру, жа­сы­ратыны жоқ, әркімнен ең ал­дымен біліктілікті, шеберлікті және жоғары жауапкершілікті талап ететіндігі айтпаса да түсі­нікті. Ал енді кәсіби біліктілікті одан әрі арт­тыру жолдары туралы тиімді әрі ұтымды ұсыныстарды келешекте дәйектілікпен жүзеге асыру –  бірлесе жұмыс істегенде ғана өз нә­тижесін беретіндігін  Бо­лат Па­лымбетов өз сөзінде атап көрсетті. Бүгінгі таңдағы қым-қуыт тір­шіліктің өзегіне айналып отырған  өндіріс тақырыбының телеарналарда қам­тылу ауқымы қынжыл­тар­лық ек­ен­­дігін баяндаған Қай­нар Ол­жайдың пікірі көпшілік назарын аударды. Шын мәнісінде де, ха­лықтың өндірістік саладағы сауа­тын ашатындай, бұл бағытта қа­жетке жарайтын кеңес беретіндей мазмұнды, пайдалы теле­ха­бар­лар­дың көрсетіліп, ал матери­ал­дар­дың басылымдар беттерінде жү­йе­лі түрде жариялануының оқ­ыр­мандар үшін де, жалпы сала ма­мандары үшін де пайдасы мол екендігі сөзсіз. Бақыт БАЛҒАРИНА. Алматы.