Ел тәуелсіздігі мерекесімен құттықтады

Қазақстан Президенті Нұрсұлтан Назарбаевтың атына шет ел мемлекет және үкімет басшыларынан Қазақстан Республикасы Тәуелсіздігінің 19 жылдығымен құттықтаған жеделхаттар келіп түсуін жалғастыруда, деп хабарлады Қазақстан Республикасы Президентінің баспасөз қызметі. Француз Республикасының Президенті Николя Саркозидің Мемлекет басшысына жол­да­ған хатында: «Қазақстанның  ЕҚЫҰ-дағы төрағалығының аяқ­талуына бірнеше апта қал­ғанда мен ЕҚЫҰ-ға төр­аға­лы­ғы барысында Сіздің еліңіз орындаған жұмыстардың сапа­сын және Сіздің жеке үле­сі­ңізді жоғары бағалаймын. Осы Ұйымның негізгі оқиғасының бірі ретінде орын алатын Астана Саммиті табысты аяқ­талды», деп атап өтілген. Мемлекет басшысы Нұр­сұл­тан Назарбаевтың атына Германия Федеративтік Рес­пуб­ли­касының Президенті Кристиан Вульфтан құттықтау хаты келіп түсті. «Сіздің еліңіз өтіп бара жатқан жылға мақтанышпен көз салуына болады. Күрделі уа­қыттың өзінде Сіз ЕҚЫҰ-ға төрағалық еттіңіз және ЕҚЫҰ Саммитін 11 жылдан кейін ал­ғаш рет өзіңізде өткізіп, Ұй­ымға жаңаша серпін бердіңіз», – делінген жеделхат мәтінінде. Тәуелсіздік күніне бай­ла­ныс­ты Қытай Халық Респуб­ли­касының Төрағасы Ху Цзиньтаодан келген құттықтауда бы­лай делінген: «Сіздің басшы­лы­ғыңызбен өткен 19 жыл ішін­де Қазақстан үкіметі және халқы тәуелсіздік пен елдің егемендігін қорғау, елдің әлеу­меттік-экономикалық дамуына жәрдемдесу, халықтың тұрмыс деңгейін арттыру және сыртқы байланыстарды кеңейту ісінде үлкен табыстарға қол жеткізді». Қазақстан халқына және Нұр­сұлтан Назарбаевтың тікелей өзіне шын жүректі құт­тық­тауларын Испания Королі Хуан Карлос, Рим Папасы Бенедикт XVI, Ирландия Президенті Мэри МакЭлис, Грек Респуб­ли­касының Президенті Каролос Папулиас, Катар мем­лекетінің Әмірі Хамад Бен Халифа Әл-Тани, Катар мем­лекетінің Премьер-Министрі – Сыртқы істер министрі Хамад Бен Жасем Бен Жабр Әл-Тани, Катар мемлекетінің мұрагері Тамим Бен Хамад Әл-Тани жолдаған.