Бір күндегі екі орайлы іс

80 жылдық тарихы бар Жам­был аудандық «Атамекен» газеті бұған дейін бұрынғы темекі са­рай­дың орнындағы ескі баспа­на­ны мекен еткен-тін. Соған қара­мас­тан, журналистер ұлы жырау­дың бейнесін бойтұмар еткен басы­лым­ды оқырман сұранысына орай шы­­ға­рып келді. Дегенмен, қо­ңыр­қай күй кешкен ұжым сәу­лет­ті ғи­ма­ратты армандап, әйте­уір оның бір болатынына сенімді еді. Жаңа жыл қарсаңында осы жақ­сы істің тиянағы келтіріліп, редакция ұжымы мәре-сәре бол­ды. «Жол картасы» бағдарла­ма­сы бойынша құрылыс жұмыс­та­рына 23 млн. теңге бөлініп, төрт айдың ішінде редакция ғимараты күр­де­лі жөндеуден өтті. Тағы бір қуа­ныш­тысы – ол енді табиғи газбен жылытылады. Бюджет қар­жысы есебінен жұмыс кабинеттері заманауи жиһаз, компьютерлермен, тағы басқа техника­лық құрал­дар­мен жабдықталды. Құрылыс жұ­мыс­тарын осы салада тәжірибе жинақтаған Сартан Мимикенов бас­қаратын «ПМК-7К» құрылыс се­ріктестігі жүргі­зіп, ұжым жур­налистерінің ал­ғы­сына бөленді. Бұл да рухани салаға деген қа­рымды қам­қор­лық­тың дәлелі. Жаңа жыл қарсаңында жам­был­­дықтар және бір орайлы іс­тің орамын келтірді. Атап айт­қанда, шал­ғайда жатқан Қас­тек ауы­лын­да дәрігерлік қосын ашыл­са, Беріктаста мәдениет үйі күрделі жөн­деуден өткізіліп, пайдалануға берілді. Жал­­пы жұрт­шылықтың қажетін ашқан жо­ғарыдағы ны­сан­дар «Жол кар­тасы» бағдарла­ма­сының жергілікті жерлерде ой­да­ғыдай орын­да­лып жатқанын көрсетті. – Ауылымызда өнерлі жастар көп. Тоқырау жылдарында сыны кеткен рухани орын Елбасының байыпты бағдарламасының нәти­же­сінде жаңарып шыға келді. Тіп­ті, ескіні жарқыратқан бұл бас­­тамаға қуанбаған жан қал­ма­ды. Өнерпаздар өнерлерін ортаға са­лып, ауылды ән мен жырға бөледі. Енді жастардың жұмыс­тан кейін баратын жерлері осы болады. Біз де ұл-қызда­ры­мыз­дың өнерін тамашалап, үйде отыр­майтын бол­дық, – дейді ең­бек ардагері, қарт ұстаз Кеңес Көкеев. Күмісжан БАЙЖАН, Алматы облысы.