Байрағын ұлттың басына шыңның байлаған

Президент поштасынан Мемлекет басшысының атына ел азаматтарынан Астана Сам­митінің жоғары деңгейде өтуіне және Тәуелсіздіктің 19 жыл­ды­ғына байланысты құттықтаулар толассыз келіп түсуде, деп ха­бар­лады Қазақстан Республикасы Президентінің баспасөз қызметі. Мемлекет басшысының атына Алматыдағы Б.Момышұлы атын­да­ғы №131 мектеп-лицейінің 3-сы­нып оқушысы Жамбыл Дүй­се­новтің Елбасына арнаған «Періште-тілек» атты өлеңі келіп түс­ті. «Нұр-Атам менің, намысын отқа қайраған, Күндіз де түнде халқының қамын ойлаған. Қа­зақ­тың атын танытып әлем жұрты­на, Байрағын ұлттың басына шың­ның байлаған, Нұр-Атам ме­нің, маңдайдан бағы таймаған!», деп жырлайды жас талапкер өле­ңінде. Елбасының атына Алматы қа­ласынан А.Қырықбай, А.Ақа­но­ва, Г.Байбақова, Б.Құлшынбаев, Г.Көбеева, М.Садуақасова, т.б. жастар атынан жолданған құт­тық­тау хатта Астанада ЕҚЫҰ Сам­митінің өтуі Тәуелсіздіктің нақты жемісі екені айтылады. Жамбыл облысының тұрғыны З.Қамшыбаев өз хатында ЕҚЫҰ Саммитін табысты өткізудің нә­тижесінде қазақ халқын күллі әлем танығанын мақтанышпен жазады. Ал Тараз қаласының тұр­ғыны А.Дүйсенбекова ЕҚЫҰ Саммиті жоғары деңгейде өт­ке­нін айтып, Елбасы және Тәуел­сіз­дік туралы жыр жолдарын жол­даған. Оңтүстік Қазақстан облы­сының тұрғыны Г.Тұрсынбекова хатында Елбасының елдегі бейбітшіліктің баянды болуы, ты­ныштықтың орнығуы, еліміз­дің дамуы жолында атқарып келе жатқан іргелі істерін атап айтып, Мемлекет басшысына игі тілектерін жеткізген. Сондай-ақ мұн­дай мазмұндағы хат Қостанай об­лысының тұрғыны Г.Колесниковадан да келді.