Алматыда жол апатынан 1 адам қаза тауып, 4 адам жарақат алды

АСТАНА. 5 қаңтар. Алматыда, Іле трактінің бойында, «Жұлдыз» шағын ауданына жақын жерде жол-көлік оқиғасы орын алды. Салдарынан 1 қыз бала қаза тауып, 4 жолаушы жарақат алды. Бұл туралы ras.kz хабарлады. Апатқа Алматының осы аумағында жауып жатқан жаңбырдан кейін жолдың тайғанақ қалыпқа келуі себепкерлік еткен. «Жол бойында Toyota Camry көлігінің жүргізушісі алдындағы КамАЗ-дан озып кетпекші болады. Бірақ айдаушы тізгінге ие бола алмай, трассаның қарсы бағыты жағына шығып кетеді. Сол кезде ол осы жолдың бойымен келе жатқан Toyota Vista автомобилімен бетпе-бет соқтығысады», делінген хабарламада. Нәтижесінде Toyota Camry машинасының кабинасында отырған жолаушы қыз оқиға болған жерде бірден қаза тапты. Көліктің жапырылып кеткен салонынан жолаушылардың бәрін құтқарушылар шығарады. Тағы төрт жолаушы ауруханаға жатқызылады. Соқтығысқаннан бірнеше секунд кейін көлік жана бастайды. Оны көрушілер өрт сөндіру қызметі келгенше отты өздері сөндіріп, зардап шеккендерге көмектеседі. Талғат Райымбек. Дерек, сурет: ras.kz.