Гватемала жағалауында 500 килодан астам кокаин тиеген катер ұсталды

АСТАНА. 5 қаңтар. Гватемаланың Эскуинтла штатына қарасты Тынық мұхиты жағалауында салмағы 500 килодан асатын ірі көлемді есірткі тиеген катер ұсталды. Бұл туралы ТАСС ақпарат агенттігіне сілтеме жасаған egemen.kz тілшісі хабарлады. Тәртіп сақшылары борт ішінде әрқайсысы 20 килодан болатын 27 қаптың барын анықтады. Тергеу барысында қылмыстық әрекеттері үшін полиция қызметкерлері 4 адамды тұтқынға алды. Олардың бәрі Эквадор елінің азаматтары болып шықты. Қамауға алынған шетелдіктер мен тәркіленген есірткі өнімдері жергілікті прокуратураға тапсырылды. Аталған орган заңсыз әрекетті толығымен тексеріп, нақты шешім қабылдайды. Айта кетейік, 2015 жылы желтоқсан айының соңына таман аталған штатта 650 килодан астам кокаин тасымалдаған қылмыскерлер тұтқындалған болатын. Өткен жылдың қорытындысы бойынша, тергеу жұмыстары кезінде полиция қызметкерлері 6 тоннадан астам есірткі өнімдерін тәркілеген. Аян Әбдуәли. Дерек: ТАСС. Сурет: avito.ru.