Елімізде студенттердің шәкіртақысы 25 пайызға өсті

АСТАНА. 5 қаңтар. Осы жылдың 1 қаңтарынан бастап бюджеттік қызметтерлердің еңбекақысы көбейді. Алатын айлығына сәйкес еңбекақыға жиырмадан қырық пайыз аралығында ақша қосылады. Зейнеткерлердің де қажетіне жарататын қаржысы жеткілікті болады. Шәкіртақы жоғарылайды. Осы қуанышты жаңалық Елбасының Жолдауындағы әлеуметтік саясатты қайта құру бөлімінде айтылды. Бұл туралы almaty.tv хабарлады. Қымбатшылық қысты деп қапаланған халыққа Елбасының Жолдауы тағы демеу болды. Инфляция иіп әкете беретін қымбатшылықтан қорықпай, керегіне қажет қаржы қосылатын болды елге. Жолдаудың «Жаңа әлеуметтік саясаты» атты бөлімінде жаһандық дағдарыстың теріс ықпалына қарамастан тұрғындарға төлемдердің төленуі тоқтамайтынын жеткізді. Әлеуметтік сала мен мемлекеттік басқаруда жалақы алатындардың саны елімізде 1,2 миллион адам болса, жәрдемақыға тәуелді тұрғындардың саны 1,5 миллион адам. Биылдан бастап дәрігерлер жалақысын әдеттегіден 28, мұғалімдер 29 пайызға көп алады. Ал әлеуметтік қорғаудағы қызметкерлердің ай сайынғы алатын ақшасы 40 пайызға дейін жоғарылайды. Осы ретте Мемлекет басшысы: «Әлеуметтік әділеттілік бұрмаланбауы тиіс деген Президент зейнетақы алатындардың ақшасы инфляция көрсеткішінен 2 пайызға жоғары беріліп отырады», – деді. Сондай-ақ, Елбасы 2017 жылдан бастап елімізде тегін техникалық-кәсіби білім беру бағдарламасы іске қосылады. Білім алған жастар шағын кәсіпкерліктің сыртында түрлі мемлекеттік бағдарламалармен салынып жатқан жұмыстарға тартылады дегенді айтты. Бұл қуанышты жаңалыққа қазақстандықтар дән риза. Өз кезегінде Алматы қалалық «Жас Отан» жастар қанаты орталық кеңесінің мүшесі Маржан Ақтаева: «Елбасымыздың кезекті Жолдауы Алматы қаласы жастары ерекше ықыласпен қабылдап тыңдады. Осы Жолдауда айтылған экономика бағыты инновациялық жоба біз жастардың ерекше қызығушылымызды аударып, жаңа оқу жылына жаңаша жігер берді»,- деді. Жалпы, Елбасы Жолдауы жастардың маңдайалды маман, абыройлы адам болуына бағыт пен ұмтылыс береді. Сапалы білім мен студенттік тұрмыстың түбегейлі жақсаруына жол ашылмақ тағы да. 1 қаңтардан бастап студенттер шәкіртақысы 25 пайызға өседі. Бірақ Елбасының қосылып жатқан ақшалардың бюджетке ғана емес, кез келген ел азаматына қосымша салмақ пен жауапкершілік жүктейді деген ескертпесін естен шығармаған жөн. Талғат Райымбек. Дерек, сурет: almaty.tv.