Астанада Ұлттық ұлан сарбаздары ант қабылдады

АСТАНА. 9 қаңтар. Елордада Ұлттық ұланның 230-ға жуық сарбазы әскери ант қабылдады. Бұл туралы 24.kz хабарлады. Ант қабылдау рәсімінде офицерлер тарапынан жас сарбаздарға тыныштық пен тұрақтылықты сақтауда өз қызметін абыроймен атқару жайы кеңінен айтылды. Сондай-ақ, бөлім командирлері «Анттан аттағаны – ардан аттағаны» дегенді алға тартып, отан алдындағы борышты өтеуде адал болуға шақырды. Ұлттық ұлан 3660 әскери бөлімінің командирі Марат Әрінов: «Ата-бабаларымыздан келе жатқан бұл әскери ант қабылдау біздің қанымызға сіңген шарт болып саналады. Сондықтан Ұлттық ұланның әрбір сарбазы антына адал, Отан алдындағы міндетін абыроймен атқарады деп сенемін», – деді. Айта кетейік, ант қабылдаған жаз сарбаздар Астана, Маңғыстау және Қарағандыдан шақырылғандар. Олар өз кезегінде әскери борйшын абройылы өтеп, елдің қорғаны болатындарын жеткізді. Талғат Райымбек. Дерек, сурет: 24.kz.