Қытай компаниясы Голливудтан киностудия сатып алатын болды

АСТАНА. 12 қаңтар. Қытайдың Dalian Wanda корпорациясы голливудтық Legendary Entertainment киностудиясын 3,5 миллиард долларға сатып алу жөнінде ортақ келісімге келгенін мәлімдеді. Бұл туралы ТАСС ақпарат агенттігіне сілтеме жасаған egemen.kz тілшісі хабарлады. «Dalian Wanda әйгілі кинокомпанияны сатып алу туралы шешімді тек фильмдер үшін емес, интеллектуалды меншік құқығына ие болу ретінде де қабылдады. Бұл қадамымыз Қытай елінің әлемдік киноиндустрияда өзінің дауыс беру құқығын күшейтеді деген үміттеміз», – дейді Бейжіңде өткенде арнайы баспасөз конференциясында корпорацияның президенті, Қытайдағы дәулетті адамдардың бірі Ван Цзяньлинь. Айта кетейік, Dalian Wanda әлемдегі ең ірі компаниялардың бірі. Ол Солтүстік Америкадағы Entertainment Holdings, Австралиядағы Hoyt’s Group және Қытайдағы Wanda Cinema Line кинотеатрлар желісіне ие. Аян Әбдуәли. Дерек: ТАСС. Сурет: wanda-group.com.