Нұрсұлтан НАЗАРБАЕВ.
Мен Парламент Мәжілісі депутаттарының өкілеттігін мерзімінен бұрын тоқтату және жаңа сайлау тағайындау туралы ұсынысын талдап қарадым. Бұл күндері менің атыма бастамаға қолдау көрсеткен көптеген хаттар мен жеделхаттар келіп түсті. Кезектен тыс сайлау өткізу қажеттігі туралы пікірді саяси партиялар мен кәсіподақтар, үкіметтік емес ұйымдар, кәсіпорындардың, мекемелер мен оқу орындарының еңбек ұжымдары құптады. Сондай-ақ, оған ардагерлер мен жастардың ұйымдары, бизнестің, ғылыми және шығармашылық зиялы қауымның өкілдері, көптеген жеке азаматтар қолдау білдірді. Менің атыма келіп түскен бұл үндеулерде келтірілген барлық дәлел-дәйектемелер маған түсінікті. Оларда елге деген қамқорлық, саяси науқанды тездетіп аяқтауға және қойылған міндеттерді іс жүзіне асыруға кірісуге деген қажетсіну бар. Бүгінде біздің ел күрделі жаһандық саяси және экономикалық үдерістерге тартылып отыр. Энергия қуатын беретін өнімдер бағасының құлдырауы нәтижесінде көптеген елдерді жайлаған экономикалық дағдарыс бүкіл әлемдік экономикаға және оның ажырамас бөлігі ретінде біздің елімізге де елеулі ықпал етуде. Осы бір қиын уақыт ел алдына өте күрделі міндеттер мен сын-қатерлерді тосып отыр. Халықаралық ахуал да күрделілене түсті. Жетекші мемлекеттер арасындағы қайшылықтар ұлғайып, олардың санкциялық текетіресі күшейе түсуде. Сарапшылардың көпшілігі әлемдік державалар арасындағы келіспеушілік «қырғиқабақ соғыс» аяқталғаннан бері дәл қазіргідей ушығуға жетпеген еді деген пікірде. Осындай жағдайда өңірлік жанжалдардың жаңа ошақтары пайда болуда. Террорлық қатер де ұлғайып келеді. Босқындардың жаһандық толқыны планетаның жаңа өңірлерін бірінен соң бірін басып қалуда. Әлемдік сауда көлемі төмендеп, қор нарықтары құлдырауда. Іс жүзінде әлемнің барлық валюталары девальвацияға ұшырады. Осының бәрі өңірлік және ұлттық экономикаларға теріс ықпалын тигізеді. Әлемнің жаңа бет-бейнесі қалыптасып келеді, ол жөнінде мен халыққа таяудағы Жолдауымда айттым. Бұл дегеніміз индустрияландыруды, шағын және орта бизнесті дамытуды белсенді жалғастыра отырып, шикізат бағасы төмен жағдайда өмір сүруге бейімделуді білдіреді. Осы бір күрделі ахуалда біздің бәріміз үшін ең маңыздысы – ысырапсыз өмір сүру, ресурстарды үнемдеу, жұмыс орындарын сақтау екенін түсіну. Үкімет пен Парламентке бұл жағдайда бірлесіп, жинақы жұмыс істеп, жедел шешім қабылдау қажет. Біздің халқымызға бұрынғыша бірігіп, осы күрделі уақытта кез келген ықтимал арандатуларға, қажет болса, заңнамалық тұрғыдан тойтарыс беру керек. Ол жағдайдың нашарлауына кінәлілерді іздеп, саясиландырғысы келетіндерге де қатысты. Бұл – жаһандық үдеріс, оған бірде-бір ел, соның ішінде Қазақстан да ықпал ете алған жоқ. Сондықтан бәріміз топтасып, бір-бірімізге көмектесуіміз керек. Қазір елдің әрбір азаматының патриоттығы сынға түсуде. Бізде тағдырға мойынсұнып, әйтеуір бір уақыттары бәрі орнына келетініне, мұнай бағасы көтеріліп, жағдайдың жақсаратынына үміттеніп отыруға уақыт жоқ. Бүгінде кез келген жаһандық сын-қатерге үнемі жүйелі әрі алдын ала жауап беру және тиісті шаралар қабылдау маңызды. Бізге «Қазақстан-2050» Стратегиясының бағытын жалғастырып, дағдарысқа қарсы бағдарламаны іске асыру, Ұлт Жоспарын орындау керек. Мыңдаған азаматтарымызға жұмыс бере отырып, «Нұрлы Жол» бағдарламасын белсенді жүзеге асыру қажет. Үкімет, министрлер мен барлық деңгейдегі әкімдер бұрынғы дағдарыс тәжірибесі мен инфрақұрылымдық құрылыс мүмкіндіктерін пайдалана отырып, жұмыс орындарын ұсыну арқылы шығындарды қысқарту, аппаратты оңтайландыру үшін резервтер іздестіруі тиіс. Халыққа Жолдауда мемлекетті, экономика мен қоғамды терең жаңғырту, бюджет саясатын үнемдеу, ұсынықтылық және қайтарымдылық қағидаттары негізінде оңтайландыру жөнінде ауқымды міндеттер қойылды. Парламенттің қазіргі құрамы Ұлт Жоспарына сәйкес, өнімді және ауқымды заң шығару жұмысын атқарды. Ендігі жұмыс Үкімет пен елдің барлық атқарушы органдарына, сондай-ақ, бизнес-қоғамдастыққа тиесілі. Дағдарысқа қарсы шаралар мен Ұлт Жоспарын дер кезінде және сауатты жүзеге асыру солардың тиімді жұмысына байланысты болады. Бұл біздің елімізді әлемдік қоғамдастық алдында тағы да биіктетіп, инвестиция тартады, елімізге деген сенімді нығайтады. Біз мұны жасауға тиіспіз. Қазір біздің қоғамымыз 1991 жылы мүлдем бейтаныс ахуалға тап болған кездегідей абдыраған адамдар тобы емес. Біз Тәуелсіздіктің ширек ғасырға жуық абыройлы жолын жүріп өттік. Біз жасампаз еңбекте шыңдалып, табысты, қалыптасқан және әлемге сыйлы мемлекет құрған біртұтас халыққа айналдық. Мен депутаттардың бастамасын Қазақстан мен қазақстандықтардың тағдырына отаншылдық тұрғыдан қамқорлық танытудың көрінісі деп қабылдаймын. Мәжілістің кезектен тыс сайлауы (оның ішінде Қазақстан халқы Ассамблеясының да депутаттары бар) және өңірлік мәслихаттардың кезекті сайлауы бірге өтуі уақытты да, қаржыны да үнемдейді. Барша депутаттарға мемлекетшіл ұстанымы мен аса жоғары тарихи жауапкершілік танытқаны үшін алғысымды айтамын. Ел Конституциясының талаптарына сәйкес, мен Парламент Палаталары төрағаларымен, Премьер-Министрмен және Конституциялық Кеңес төрағасымен кеңестім. Ақылдаса келіп депутаттардың бастамасын қолдау туралы шешім қабылданды. Билік саласы өкілдері құрамының жаңартылуы еліміз бен халқымыздың мүддесіне сай келетіндігіне сенімім кәміл. Саяси партиялар күн тәртібіндегі міндеттерді түсіне білетін сауатты, іскер және ел мүддесіне адал кандидаттарды ұсынуға тиіс. Бүгін мен Бесінші шақырылымдағы Парламент Мәжілісінің өкілеттігін мерзімінен бұрын тоқтату туралы Жарлыққа қол қойдым. Мәжілістің кезектен тыс сайлауы 2016 жылғы 20 наурызға белгіленді. Бүкіл қазақстандықтарды, қоғамның барлық әлеуметтік топтарын уақыт талап еткен шешімді қолдауға үндеймін. Баршаңызды сайлауға белсене қатысуға, еліміздің болашағы жолындағы тұтастығымыз бен бірлігімізді тағы да танытуға шақырамын. Конституцияның кепілі ретінде Орталық сайлау комиссиясына және барлық өкілетті мемлекеттік органдарға алдағы сайлауда заңдылықты, ашықтықты және әділеттілікті қамтамасыз етуді тапсырамын. Дауыс беру науқаны және сайлау күрделі кезеңде ұлтты ұйыстырып, біздің Қазақстанымызды жаңа белестерге алып шығуға көмектеседі деп сенемін. Баршамыздың бір ғана мақсатымыз бар, ол мақсат – халық пен елдің игілігі! Бәріміз Қазақстанның өсіп-өркендеуі жолында еңбек етіп, бар күш-жігерімізді жұмсаймыз. Біз бірлесе отырып, бүгінгі заман алдымызға тосып отырған барша қиындықтар мен сын-қатерлерді міндетті түрде еңсеретін боламыз. Мен барша қазақстандықтарды, барлық саяси партияларды біздің ортақ шаңырағымыздың тағдырына жауапты қарауға және Отаншылдығымызды нығайта түсуге шақырамын. Тәуелсіздіктің ширек ғасырлық мерейлі белесін мызғымас бірлікпен қарсы алайық! Астана, Ақорда, 2016 жылғы 20 қаңтарДін • 27 Қыркүйек, 2024
Халықтың басым көпшілігі АЭС құрылысын қолдайды – БАҚ мониторингінің нәтижелері.
Энергетика • 27 Қыркүйек, 2024
Қазақстанның энергетикалық тәуелсіздігінің кілті – ядролық энергетика
Референдум 2024 • 27 Қыркүйек, 2024
Президент Түркістандағы тігін фабрикасын аралап көрді
Президент • 27 Қыркүйек, 2024
Мемлекет басшысы «Бөрте Милка» тауарлы сүт фермасымен танысты
Президент • 27 Қыркүйек, 2024
«ҮРКЕР» ұлттық сыйлығының жеңімпаздары белгілі болды
Қазақстан • 27 Қыркүйек, 2024
Президент Түркістан облысындағы ауыл шаруашылығы өнімдерінің көрмесін аралады
Президент • 27 Қыркүйек, 2024
Президент «SPK TURKISTAN» өндірістік паркіндегі кәсіпорындармен танысты
Президент • 27 Қыркүйек, 2024
Елорда тұрғыны көлікті жалға аламын деп алаяққа алданып қалған
Оқиға • 27 Қыркүйек, 2024
Астанадағы тұрғын үйлердің бірінде кабель өртеніп кеткен
Оқиға • 27 Қыркүйек, 2024
Теміртауда алимент төлеуден жалтарған 2 тұрғын жауапкершілікке тартылды
Оқиға • 27 Қыркүйек, 2024
Елорданың барлық мектебі жаңа қауіпсіздік жүйесімен жабдықталады
Қоғам • 27 Қыркүйек, 2024
Маңғыстау мұнайшылары референдумға белсенді қатысуға ниет білдірді
Референдум 2024 • 27 Қыркүйек, 2024
Елордада Денис Тенді еске алуға арналған халықаралық турнир өтеді
Оқиға • 27 Қыркүйек, 2024
Қостанайда жылу тарифі қымбаттайды
Аймақтар • 27 Қыркүйек, 2024
Үдемелі жүрек қызметінің жеткіліксіздігімен ауруханаға түсетіндер саны неге көбейді?
Медицина • 27 Қыркүйек, 2024
Астанада тегін тамақ таратқан дәмхана иесі айыппұл арқалады
Оқиға • 27 Қыркүйек, 2024
Головкин ҰОК жаңа бас хатшысын тағайындады
Оқиға • 27 Қыркүйек, 2024
Президент Түркістан облысының жұртшылығымен кездесті
Президент • 27 Қыркүйек, 2024
Ерекше қабілетті балаларға ерекше қамқорлық керек
Қоғам • 27 Қыркүйек, 2024
Қазақстаннан Қытайға астық экспорты 6 есеге жуық артқан
Шаруашылық • 27 Қыркүйек, 2024
Президент Түркістан қаласындағы Мұз сарайын аралап көрді
Президент • 27 Қыркүйек, 2024
АЭС салу: Сенаторлар жобаның пайдасы мен қауіпсіздігін түсіндірді
Референдум 2024 • 27 Қыркүйек, 2024
Мемлекет басшысы «Білім-Инновация» лицей-интернатында болды
Президент • 27 Қыркүйек, 2024
Елімізде қатерлі ісіктен болатын адам өлімі 3,2%-ға төмендеген
Медицина • 27 Қыркүйек, 2024
Президент: Әбіш Кекілбайұлы – тәуелсіздігіміздің тұғырын бекемдеген қайраткер
Тұлға • 27 Қыркүйек, 2024
Жобаны білікті кадрлар жүзеге асырады -Наурызбай Байқадамов
Референдум 2024 • 27 Қыркүйек, 2024
Қасым-Жомарт Тоқаев Қожа Ахмет Ясауи кесенесіне зиярат етті
Президент • 27 Қыркүйек, 2024
Halyk Bank ерлі-зайыптылардың келісімін онлайн-рәсімдеу қызметін іске қосты
Банк • 27 Қыркүйек, 2024
Үндістанда діни рәсімді орындау кезінде 46 адам қайтыс болған
Әлем • 27 Қыркүйек, 2024
Жоғары технологиялық медициналық қызметтерге жұмсалатын шығындар 4,1 есе артты - министр
Қоғам • 27 Қыркүйек, 2024
Мемлекет басшысы Түркістан облысына барды
Президент • 27 Қыркүйек, 2024
Ақтөбе тұрғыны өзінің ағза мүшелерін сатпақ болған
Оқиға • 27 Қыркүйек, 2024
Ұлытау тұрғыны 16 мың тонна марганец рудасын заңсыз өндірген
Оқиға • 27 Қыркүйек, 2024
Кеңгір су қоймасы мемлекет меншігіне қайтарылады
Аймақтар • 27 Қыркүйек, 2024
Пікір • 27 Қыркүйек, 2024
Сенатор: Жергілікті тұрғындардың мүддесі ескеріледі
Референдум 2024 • 27 Қыркүйек, 2024
Үсік жүріп, екпінді жел соғады: Жұма күніне арналан ауа райы болжамы
Ауа райы • 27 Қыркүйек, 2024
Алматы-Өскемен тас жолында көлік аударылып, екі адам көз жұмды
Оқиға • 27 Қыркүйек, 2024
Қасым-Жомарт Тоқаев Сердар Бердімұхамедовті Түрікменстанның Тәуелсіздік күнімен құттықтады
Президент • 27 Қыркүйек, 2024