Бүкіләлемдік бокс сериясының VI маусымы Қарағандыда ашылады

ҚАРАҒАНДЫ. 21 қаңтар. Бүкіләлемдік бокс сериясының алтыншы маусымы Қарағанды қаласында тұсау кеседі. Бұл туралы egemen.kz тілшісі хабарлады. 23 қаңтар күні «Astana Arlans» кәсіпқой клубы Қарағандыдағы С. Сәпиев атындағы бокс орталығында әзербайжандық «Baku Fires» командасымен кездесіп, кім мықтыны анықтайды. Командамыздың жаңа құрамында 30 боксшы бар. Былтыр «арландардың» құрамында өнер көрсеткен Данияр Елеусінов, Қайрат Ерәлиев, Жанібек Әлімханұлы, Иван Дычко сынды боксшылар Рио-2016 Олимпиадасына дайындалу үшін Ұлттық құрама команда сапына оралды. Клубтың өз салмағындағы мықтысы болған Василий Левит те құрамаға қайтып келді. «Astana Arlans» командасының VI маусымдағы құрамы: 49 кг. Мардан Берікбаев, Теміртас Жүсіпов, Жомарт Ержан; 52 кг. Олжас Сәттібаев, Азамат Исақұлов, Азат Махметов; 56 кг. Мейірболат Тоитов, Нұрбол Қалжанов, Нұрсұлтан Қосшығұлов; 60 кг. Ержан Мүсәпіров, Закир Сафиуллин, Бекдәулет Ибрагимов; 64 кг. Самат Бәшенов, Асхат Уәлиханов, Сабыржан Бақбергенов; 69 кг. Асланбек Шымбергенов, Қанағат Маралов, Бекзат Халметов; 75 кг. Мейірім Нұрсұлтанов, Аманқұл Әбілхан, Ерік Әлжанов, Рустам Сваев; 81 кг. Әли Ахмедов, Нұрдәулет Жарманов, Арман Рысбек; 91 кг. Мұхамеджан Еркін, Рахман Әлжанов; +91 кг. Нұрсұлтан Аманжолов, Қамшыбек Қоңқабаев, Нұржан Бекзатов. Биылғы маусымның форматы сәл-пәл өзгерген. Жеребе бойынша 16 команда төрт топқа бөлінді. А тобы: Cuba Domadores, Ukraine Otamans, China Dragons, Türkiye Conquerors; В тобы: Mexico Guerreros, USA Knockouts, British Lionhearts, Morocco Atlas Lions; C тобы: Russian Boxing Team, Rafako Hussars Poland, Argentina Condors, Venezuela Caciques; D тобы: Astana Arlans Kazakhstan, Uzbek Tigers, Azerbaijan Baku Fires, Puerto Rico Hurricanes. Қайрат Әбілдинов. Дерек: egemen.kz. Сурет: worldseriesboxing.com.