Жасөркенге болады спорт серік

Астана қаласы, Алматы ауданы прокуратурасының ұйымдастыруымен жас жеткіншектер арасында спортқа қызығушылықты ояту, саламатты өмір салтын насихаттау бағытында Алматы ауданы прокурорының кубогы үшін волейболдан жарыс өткізілді. Алматы ауданының №63 орта мектебінің спорт залы бұл күні спортты сүйетін өрен­дер мен олардың жанкүйерлерінің қолдаған, сүйінген, күйінген сәттерін­дегі үн қосуларымен ажарланып, ұйымдас­тырушылардың жасөспірімдердің ойын мәнеріне деген қызығушылықтарын да оятқан. Жауапты қызметтегі үлкен аға-апаларының қолдауымен өткізілген жарысқа қатысқан 6 мектептің де командалары әзірлікпен келіпті. Алматы ауданының №52, 63, 44, 29, 38, 73 мектептерінің оқушылары кубок жеңімпазын анықтау үшін әжептәуір терлерін төкті. Тұс-тұстан қолдаған бала дауыстар дем берген командалар спортқа деген ықыластарын көпшілікке көрсете отырып, ойынға бар ықыластарымен беріле, әрқайсысы өз мектептерінің намысы үшін жанталаса қимылдады. Әрине, жарыс болған соң оның жеңім­пазы болады да. Ең биік тұғырға зал иесі №63 мектеп-гимназиясының командасы көтеріліп, ІІ орынға №52 мектеп-гимназиясы, ал ІІІ орынға №44 орта мектеп шығып, жеңімпаздардың барлығы Алматы ауданы прокурорының кубогымен және спорт мерекесіне белсене қатысқаны үшін алғыс хатпен марапатталды. Ажар СЕЙДӘЗІМОВА. АСТАНА.