Қазақстан өнімдеріне қызығушылық танытылды

«Қазақстан темір жолы» АҚ президенті Асқар Мамин жақында «Рохи охани Точикистон» («Тәжікстан темір жолы») мемлекеттік унитарлық кәсіпорнының басшысы Комил Мирзоалимен кездесіп, келіссөз жүргізді. Кездесу барысында, темір­жол көлігі мен логистикасы са­ла­сындағы екіжақты ынтымақтастық мәселелері талқыланды. Қа­зақ­стан астығын экспорттау мен Тә­жікстанда жасақталған жолаушылар пойызының Қазақ­стан аумағында жүру шарттары мә­се­лелері қарастырылды. Келіссөз қорытындысы бойынша, теміржол әкімшіліктерінің басшылары А.Мамин мен К.Мирзоали 2016 жылы Тәжікстанға теміржол машина жасау өнімдерінің кең көлемін сату туралы келісімге қол қойды. Қол қойылған келісім шең­берінде тараптар тепловоздар, теміржолға қажетті басқа да құрал-жабдықтар мен жөндеу кешендері, жүк және жолаушылар вагондарына арналған доңғалақтар сату саласындағы ынтымақтастықты жалғастыратын болады. Құ­жат­тың бір пункті Ақтөбе рельс арқа­лықтары зауытында шығары­латын Р-65 рельстерін Тәжікстан темір­жолына сату болып табылады. Астанаға сапары шеңберінде «Тәжікстан темір жолы» кә­сіпорнының өкілдері «Локо­мотив құрастыру зауыты» АҚ-та, «Тұлпар Тальго» ЖШС-інде болды. Олар Қазақстандағы алдыңғы қатарлы технологиялармен, темір­жол машина жасау саласын әрі қарай дамытудың перспективалы жоспарларымен танысты. Тәжікстан делегациясы, сон­дай-ақ, «Қазақстан темір жолы» ҰК» АҚ-тың филиалдары – «Кө­ліктегі технологиялар орта­лығы» мен «Тасымалдауларды бас­­қа­ру орталығында» болды. «Егемен-ақпарат».