Тарази тартуы

Астанадағы Ұлттық ака­демиялық кітапханаға – жазушы, Мемлекеттік сыйлықтың лауреаты, Қа­зақстанның еңбек сіңірген қайраткері Әкім Тарази өзі жинастырған кітап топтамаларын сыйға тартты. Жазушының өз топ­тамаларын кітапханаға тап­сыруының себебі – кі­тапхана ұжымы мен белгілі қаламгердің бірнеше жылдан бері шығармашылық байланыста болуы. 2007 жылдан бастап Әкім Өртайұлы «Бір ел – бір кітап» акциясын ұйымдастыру комитеті төрағасының орынбасары болса, бұл жолы қаламгер кітапханада өткізілген іс-шараның құрметті қонағы болып келді. Өйткені, жазушы кітап топтамалары көпке қолжетімді болып, оқырмандардың белсенді пайдалануына жағдай жа­салғанын қалайды екен. Әкім Тарази «Жаза» ро­маны үшін 1989 жылы Мемлекеттік сыйлық алса, 2011 жылы жазушы «Әлем әдебиетін да­мытуға қосқан үлесі үшін» Франц Кафка атын­дағы халықаралық әдеби сыйлықтың лауреаты атағына ие болды. Қаламгердің қаламынан «Тасжарған», «Бұлтқа салған ұясын», «Кен», «Жаза», «Шер», «Қор­­қау жұлдыз», «Махаббат жыры», «Қиянат», «Мұс­тафа Шо­қай» романдары, «Құйрықты жұлдыз», «Үлкен ауыл», «Асу-асу» повестері және «Күлмейтін комедия», «Жақсы кісі», «Жолы болғыш жігіт» атты пьесалар туды. Сондай-ақ, жазушы – «Тұлпардың ізі», «Қараш-Қараш оқи­ғасы», «Арман-атаман», «Мұстафа Шо­қай» фильм­дері сценарийінің авторы. Ә.Таразидың бірқатар кітаптары орыс, қытай, ағылшын, венгер, болгар, неміс, фин және чех тілдеріне аударылған. Жазушы студенттік жыл­­дарынан кітаптар жинай бастап, әр жылдарда жазушы кітапханасы әдебиеттермен, ең алдымен көр­кем туындылармен және тарих, философия, тіл білімі бойынша ғылыми-танымдық еңбек­термен толықтырылды. Бүгінгі сыйға тартылған топтамалар – 979 кітап екен. Осы топтамадан оның иесінің энциклопедист, ой-өрісі кең, ынта-ықыласы жоғары, терең білімді тұлға екен­дігін білеміз. Топтаманың ба­сым бөлігі қазақ ақын-жазушы­ларының, көр­некті қоғам және мемлекет қайраткерлерінің шығар­маларынан, Қазақ­стан тарихы, мәдениеті туралы кітаптардан тұрады. Сондай-ақ, мұнда шет­ел әдебиеттері де ұсынылды. Топ­тамаларға қосымша Әкім Та­разидың мемориалды экспонаттары: жазу үстеліне арналған жиын­тық, плакат, баспа мәшінкесі папка және жазу құралы да бар. Кітапханадағы ақпа­рат­тық-библио­графиялық сер­вис қыз­метінің маман­дары Әкім Тарази шы­ғармашылығы бойынша би­блиографиялық көр­сеткіш әзір­леп, көр­сеткішке «Әкім Таразидың биографиясы», «Тарази туралы ойлар», «Әкім Тара­зидың шы­ғармалары», «Әкім Таразидың мер­зімді басылым беттерінде жа­рық көрген мақалалары» (1969-2015 жылдар), «Әкім Таразидың драматургиясы», «Әкім Тарази шетел дереккөздерінде», «Әкім Таразидың аудар­малары», «Сце­нарий авторы – Әкім Тарази», «Әкім Таразидың өмірі мен шығар­машылығы туралы», «Электронды ресурстар» атты бөлімдер, сондай-ақ жазушы туралы интернет ресурс­тар да кірістірілген. Басы­лым әдебиеттанушы ға­лымдарға, ЖОО мен мектеп оқытушыларына, сту­дент­терге, оқушыларға, кі­тап­хана­­шыларға, сондай-ақ Әкім Таразидың өмірі мен шығарма­шылығын зерделейтін оқырман қа­уым­ға арналған. Салтанатты шараға елі­міздің зиялы қауым өкілдері мен оқыр­ман­дар қатысып, Қуаныш Сұл­танов, Жабал Ерғалиев сияқты қоғам қайраткерлері белгілі қа­ламгердің өнегелі іс-шара­сына риза­шы­лықтарын білдіріп, жазушының қабі­лет-қарымына тоқталып өтті. Берік САДЫР, «Егемен Қазақстан».