Былтыр Батыс Қазақстанда 25 мыңнан астам заңбұзушылық анықталды

ОРАЛ. 24 қаңтар. Батыс Қазақстан облысында өткен жылы 25 мыңнан астам заңбұзушылық анықталды. Бұл туралы облыстық прокуратураның баспасөз қызметіне сілтеме жасаған egemen.kz тілшісі хабарлады. Баспасөз қызметінің мәлімдеуінше, оларды жою мақсатында 1,5 мыңнан астам прокурорлық қадағалау актілері енгізілді. 48 қылмыстық құқықбұзушылық бойынша сотқа дейінгі тергеп-тексеру басталды. Прокурорлық ықпал ету шараларымен 1158 заңсыз акті, соның ішінде 8 нормативтік-құқықтық акті бұзылды немесе өзгертілді. 44 мыңнан астам адамның конституциялық құқығы қорғалды. 3 мыңнан астам адам тәртіптік, материалдық және әкімшілік жауапкершілікке тартылды. Мемлекеттік бюджеттің 10 млрд.-тан астам теңгеге толықтырылуы қамтамасыз етілді. 850 млн.-нан астам теңгенің мүлкі мемлекетке қайтарылды. Сонымен қатар, 2015 жылы 1183 қызметкерге 168 млн. теңге және сотталған 85 адамға 814 мыңнан астам берешек өтелді. Темір Құсайын. Дерек: Батыс Қазақстан облыстық прокуратураның баспасөз қызметі. Сурет: mygorod.kz.