Дағдарыс тұманы сейіліп, халық көңілі серпілгендей

Бұл съезге Шығыс Қазақ­стан­ның шалғайдағы шекара­лық ауданы саналатын Үржар өңірінен келдім. Ел­басының байыпты баян­дамасынан бүгінгі даму жо­лымыздың дұрыс­тығына тағы көз жеткіздік. Әсіре­се, теңге бағамы саясаты­ның ел экономикасын құл­ды­ратпауға, қайта сақ­тауға, дамуға қызмет етіп жат­қаны туралы тұщымды ой айтылды. Бұл – еліміздің шын мәнінде әлемдік қауымдастықтың бір бөлшегі екендігін көрсетеді. Қазақстанды тоқырау кезеңі­нен алып шыққан Президент дағдарыс менеджері ретінде әрдайым қажетті шараларды жүзеге асырып келеді. Бұл жолы қабылданған партиямыздың сайлауалды бағдарламасы алдымызға ауқымды міндеттер қойып отыр. Елбасының тиімді саяси-эконо­микалық реформалары арқасында алыстағы ауданымыз жылдан жылға дамып, көркейіп келеді. Партиялық жобалар аясында халықтың саяси белсенділігін көтеруге, әлеуметтік мәселелерді шешуге, құқықтық жүйені және экономикалық дамуды қамтамасыз етуді жүзеге асыруға бағытталған жұмыстар жүйелі түрде жүргізіліп жатыр. Бұл ретте, Елбасының «100 нақты қадам» Ұлт Жоспарында көрсетілген негізгі бағдарымызды айқындап бергенін айтқан ләзім. Жалпы, әр елдің, әр ұлттың, әр ғасырдың өзіндік ерекшелігі, өзіндік тарихи құндылығы болады. Көне тарихымызға көз жүгіртсек, Қазақ елінің де басынан қилы-қилы заманның өткенін байқаймыз. Адам баласының ұзақ тарихында жасаған рухани құндылықтары, мәдени қазынасы, іс-тәжірибесі, адамгершілік тағылымдары ұрпақтан ұрпаққа жалғасуда. Елбасы Нұрсұлтан Назарбаевтың ұстанымына тереңірек үңіл­генде, кешегі өткен Қасым хан, Есім хан, Тәуке хан, Абылай ханның көшбасшылығы, көрегендігі мен қырағылығы, ел қамы, халықтың арман-тілегіне алаңдаушылығы еске түседі. Бүгін біз сол ата-бабаларымыз күрескен, армандаған алып мемлекетті құрып, қалыптастырдық. Әлемдік қоғамдастықта орны бар жаңа тұрпатты, қуатты елге айналып келеміз. Президентіміздің Ұлт Жоспарын жүзеге асыра отырып, дамыған 30 елдің қатарына қосылуды көздеудеміз. Ұлт Жоспарының әр қадамы кемел келешекке жетелеп, мемлекетке деген халықтың сенімін арттырды. Мұның өзі қарапайым халыққа шынайы қолдау болды. Көшбасшымыз дағдарыс кезеңінде дағдармай, нақты бағыттар бойынша жұмысты жалғастырудың жолын көрсетіп берді. Міне, енді дағдарыс тұманы сейілгендей, халық көңілі серпілгендей. Алдымыздағы кезектен тыс Мәжі­ліс және кезекті мәслихаттар сайлау­лары арқылы біз тағы бір белесті бағындырып, ел таңдауын жасаймыз. Сайлау арқылы болашағымызды таңдаймыз. Жақында Үржар ауданында 830 адам бір мезетте «Нұр Отан» партиясының қатарын толықтырды. Бұл қарапайым қазақстандықтардың Елбасы, «Нұр Отан» партиясының Төрағасы Нұрсұлтан Назарбаевтың саясатын қалтқысыз қолдайтынын көрсетеді. Бақтыбай БАЙМҰРАТОВ, «Нұр Отан» партиясы Үржар аудандық филиалы төрағасының бірінші орынбасары, съезд делегаты.