Сен өз кәсібіңді сүйесің бе?

Осыдан аз уақыт бұрын Қазақстанның интернет кеңістігінде «Өз кәсібіңді сүй» атты эстафета басталған болатын. Аталған бастама бас-аяғы екі жұма ішінде 1 мыңнан астам қатысушыларды жинады және оны қолдаушылар қатары күн санап артып келеді. Айтар болсақ, белсенділер арасында әртүрлі сала мамандары, ұстаздар, журналис­тер, тележүргізушілер мен қазақ эстрадасының танымал өнерпаздары және суретшілер мен спорт саңлақтары да бар. Осы жобаны қолдау барысында Президент жанындағы Орталық коммуникациялар қыз­метінде баспасөз мәсли­хаты өт­кізіліп, жоба жетек­шілері жұрт­шылықты баста­ма негізімен таныс етті. Акция­ның басты талабы – көпші­лік­тің назарын аудартып, әрбір мамандықтың өзіндік ерек­ше­лігі бар екенін және қоғам үшін маңыздылығын ұғын­дыру болып табылады. Әр аза­мат өз кәсібін жүрек қалауы­мен жүргізетін болса, жұ­мыс­тың жемісті болары сөзсіз. Сон­дықтан да қызметінің қиынды­ғын машақат көрмейтін, керісін­ше, сол арқылы өзін-өзі дамы­туға ұмтылыс танытатын және мамандығына кездейсоқ келмеген жандар аталған бастаманы үздіксіз қолдауда. Жобаның талабы жеңіл әрі қызықты деуге болады. Бұл рет­­те оған қатысу үшін 15 се­кунд ішінде кәсібіңізді не үшін жақсы көретініңіз жайлы бей­неролик түсіріп, оның жаны­на «ӨзКәсібіңдіСүй» деген хэш­тег қойсаңыз болғаны. Бейне­роликтің соңын дәстүрлі түрде «Ал сен, өз кәсібіңді сүйе­сің бе?» деп аяқтау қажет. Осы уақыт аралығында эстафетаны жүргізіп үлгерген өнер жұлдыздарының қатарында Қайрат Нұртас, Әли Оқапов, мү­сінші Хасен Абаев, «Балапан» теле­арнасының директоры әрі теле­жүргізуші Ләйлә Сұлтан­қызы бар. Бастама жетекшілерінің бірі, «Болашақ» бағдарламасының түлегі Диас Есдәулетов жо­­ба­­ның идеясы кенеттен пайда бол­ған­дығын жеткізді. Бұл рет­те ол, менің достарымның ара­сында түрлі сала иелері бар, олармен кездесу барысын­да жұмыстан алған түрлі әсер­лерімізбен бөлі­сетінбіз. Осыдан келіп, әр маман­дықтың өзіндік орны бар екен­дігін көрсету мақсатында аталған жоба жұрт­шылыққа жол тартты. Біз­дің рухани дүниеміздің бір көрінісі, көңіл күйіміздің айнасы ретінде қызметіміздің үлкен рөл атқаратынын барша біледі деп ойлаймын. Азаматтардың өз қызметінде жетістікке жетуінің кілті де сонда – мамандығын жақсы көруінде, деді. Және де мемлекеттің болашағы осындай қазақстандықтардың қолында екендігі айтылды. Елбасының 5 реформасы арқылы кез кел­ген азамат өзінің жүрек қалау­ындағы жұмысын табуға мүм­кін­дік алмақ. Қазіргідей қысыл­таяң шақтың орын алып тұрға­нына қарамастан, яғни дағда­рыс­ты Президентіміз айтқан­дай, жаңа мүмкіндік ретінде қа­рас­тырып, алға ұмтылуды жал­ғас­тыру қажет, деп атап өтті. Сонымен қатар, сөз алған «2015 жылдың үздік педагогы» атағын жеңіп алған Гүлнар Ра­химова өзінің мұғалім екенді­гімен мақтанатындығын айтты. Балаға білім беру жолында аян­бай қызмет етуге дайын екен­дігін ұқтырған ұстаз, қазіргі таң­да жастардың мұғалім болуға көбі­рек ұмтылғанын қалайтын рия­сыз көңілін жеткізді. Ұстаз­дық – ұлы ұғым екендігін назар­дан тыс қалдырмайтын еліміз­дің түрлі бастамаларының, бағдар­ламаларының арқасында төбеміз көкке жетті, дейді ол. Эльмира МӘТІБАЕВА, «Егемен Қазақстан».