Бюллетеньдер әзірлейтін баспаханалар анықталды

Қазақстан Республикасы Орталық сайлау комиссиясының кешегі өткен отырысында 2016 жылғы 20 наурызға белгіленген барлық деңгейдегі мәслихат депутаттары сайлауында сайлау бюллетеньдерін әзірлейтін нақты баспаханалар анықталды.  Қаулы жобасымен таныстырған Орталық сайлау комиссиясының хатшысы Бақыт Мелдешовтің атап өтуінше, 2016 жылдың 20 нау­рызына тағайындалған мәслихат депутаттарының кезекті сайлауы бойынша дауыс беруге арналған сайлау бюллетеньдерін дайындайтын баспаханаларды айқындау туралы қаулыда әр облыс, сондай-ақ, Астана және Алматы қалалары үшін қажетті техникалық және ұйымдастырушылық мүмкіндіктер бар екендігі көрсетілген. Сонымен қатар, мәслихат депутаттарын сайлауда сайлау бюллетеньдерін әзірлейтін нақты баспаханалар анықталған. Орталық сайлау комиссиясының мүшелері қаулыны бірауыздан қабылдады. Орталық сайлау комис­сия­сының осы қаулысы бойынша Қазақстан Республикасы мәсли­хаттары депутаттарының кезекті сайлауына сайлау бюллетеньдері мына баспаханаларда әзірленеді: Астана қаласы – «Қазақстан Рес­публикасы Президенті Іс бас­қар­масының «Қазақстан Респуб­ликасы Президентінің Әкім­шілігі мен Үкіметінің әкімші­лік ғи­ма­раттары дирекция­сы» шаруа­шылық жүргізу құқығындағы рес­публикалық мемлекеттік кәсіп­орны, Астана қаласы; Ақмола облысы – «Көкше-Полиграфия» акцио­нерлік қоғамы, Көкшетау қаласы; Алматы қаласы мен Алма­ты облыстары – «АБК+» жауап­кер­шілігі шектеулі серіктестігі, Ал­маты қаласы; Ақтөбе облысы – «NOBEL» жауапкершілігі шектеу­лі серіктестігі, Ақтөбе қаласы; Аты­рау және Маңғыстау облыстары – «А-Полиграфия» жауапкершілігі шектеулі серіктестігі, Ақтөбе қа­л­а­сы; Шығыс Қазақстан облысы – «Печатное издательство – агентс­тво «Рекламный Дайд­жест» жауап­кершілігі шектеулі серіктес­тігі, Өскемен қаласы; Жамбыл облысы – «СЕНІМ» Жамбыл бас­па орталығы» жауапкершілігі шек­­­­теулі серіктестігі, Тараз қала­­сы; Батыс Қазақстан облысы – «WESTA» жауапкершілігі шек­теу­лі серік­тестігі, Орал қаласы; Қараған­ды облысы – «Ти­погра­фия Арко» жау­апкерші­лігі шек­теулі серіктестігі, Қара­ғанды қаласы; Костанай облысы – «Қос­та­найполиграфия» жауап­кер­ші­лігі шектеулі серіктестігі, Қос­танай қаласы; Қызылорда облысы – «ПФ Энергопромсервис» жауап­кершілігі шектеулі серіктестігі, Қызылорда қаласы; Павлодар облысы – «ДОМ ПЕЧАТИ» жауап­кер­шілігі шектеулі серіктестігі, Павлодар қаласы; Солтүстік Қазақ­стан облысы – «Полиграфия СК» жауапкершілігі шектеулі серік­тестігі, Петропавл қаласы; Оң­түстік Қазақстан облысы – «КІТАП» жауапкершілігі шектеулі серіктестігі, Шымкент қаласы. Отырыста, сондай-ақ, дауыс беру құқығын беретін есептен шығару куәліктерін беру және есепке алу қағидаларына өзгерістер енгізілді. Осыған байланысты ОСК хатшысы Бақыт Мелдешов Орталық сайлау комиссиясының 2009 жылғы 8 ақпандағы №161/306 қаулысымен бекітілген дауыс беру құқығын беретін есептен шығару куәліктерін беру және есепке алу қағидаларына бірқатар өзгерістер енгізілгенін атап өтті. «Атап айтқанда, қағидалардан 7-тармақ алынып тасталды. Ал 8-тармақ жаңа редакцияда жазылды. Осыған сәйкес есептен шығару куәлігі бір елді мекеннің шегіндегі басқа сайлау округінде немесе басқа сайлау учаскесінде дауыс беруге қатысқысы келетін сайлаушыларға берілмейді», – деді ол. Аталған қаулы бірауыздан қа­былданған соң, Бақыт Мелдешов Қазақстан азаматтары шетелдегі 65 сайлау учаскесінде Мәжіліс және мәслихат депутаттарына дауыс бере алатынын атады. «Бізде шет мемлекеттерде 65 сайлау учаскесі бар. Ресейде үш-төрт, АҚШ-та бір-екі және басқа мемлекеттерде бір-бірден сайлау учаскелеріміз тіркелген. Сол елдердегі Қазақстан азаматтарына жеке төлқұжаттарын көрсету арқылы дауыс бере алады», – деді ол. Бұған қоса ОСК хатшысы Қазақстан азаматтары кез келген шет мемлекетте дауыс бере алмайтындығын да атап өтті. «Дауыс беру құқығын беретін есептен шығару куәлігі тек Қазақстан ішінде ғана беріледі. Шетелде жүрген азаматтар сол елде ашылған сайлау учаскесіне келіп, төлқұжаты арқылы дауыс бере алады. Бұл ретте дауыс беру құқығын беретін есептен шығару куәлігінің қажеті жоқ», – деді Б.Мелдешов осы жөнінде. Әлисұлтан ҚҰЛАНБАЙ, «Егемен Қазақстан».