Қытайдағы қазақ қызы

Аспанасты елінде тәртіп сақ­шысы болып қызмет ететін қазақ қызы үздік полицейлер қатарынан көрініп, марапатқа ие болды. Қандасымыздың құмырысқаның илеуіндей құжынаған халқы бар Қытайда қоғамның қауіпсіздігін қамтамасыз етіп, әріптестерінен оқ бойы оза шығуы – күллі қазақ­стандықтар үшін үлкен мақтаныш және абырой. Таслима Дәулетқызы 2010 жылы арнайы емтиханнан өтіп, Шыңжаң қоғамдық қауіпсіздік мекемесінің «ерекше сақшы» деп аталатын бас бөлімшесіне жұ­­мысқа қабылданған. Онда ол 3 жыл бойы абыройлы еңбек етіп, қоғамдағы қауіпсіздікті сақ­таудағы қызметін жақсы орындайды. Осылайша қазақ қызының жұмысына адал һәм қырағылығын байқаған басшылық 2013 жылы Үрімжі қалалық қоғамдық қауіпсіздік департаменті Сайбақ ауданына қарасты Хотан көше­сінде әлеуметтік халық сақшысы қызметіне ауыстырады. Таяуда Қытай елі қысқы спорт­тың 13 түрінен жарыс өткізді. Төрт жылда бір болатын спорт додасы тұңғыш рет Үрімжі қаласында ұйымдастырылды. Осы 15 күнге созылған мемлекеттік дең­гейдегі ауқымды шарада қауіп­сіздікті қамтамасыз ету үшін тікесінен тік тұрып қызмет еткен полиция өкілдерінің еңбегі билік тарапынан бағаланып, тәртіп сақшыларының үздіктері марапатталды. Мұның ішінде, әрине, қандасымыз Таслима Дәулет­қызы да болды. Айта кетейік, Үрімжі қала­лық қоғамдық қауіпсіздік депар­тамен­ті оны «қоғам амандығын қорғаудағы үздік полиция қыз­меткері» ата­ғымен марапаттады. Бұл Тасли­маның алғашқы табысы емес. Ол құқық қорғау саласында қызмет етіп келе жатқан алты жылда халық­тың ыстық ықы­ласына бө­леніп, алғысын арқалаған жан. Төребек ТҰРМАНОВ.