Бірлесіп атқарған жұмыс нәтижелі

Биылғы жылдың 13 ақ­панында Сайлауды байқау жөнін­дегі республикалық қоғам­дық кеңес (СБРҚК) мүше­лері Жал­пы­ұлттық социал-демократиялық партияның (ЖСДП) сайлауалды штабында болып, аталған штабтың өкілдерімен кездесті. Кездесу шеңберінде СБРҚК төрағасы Нұрлан Ерімбетов пен ЖСДП өкілі Серікбай Әлібаев жә­не Асхат Рахымжанов сайлау үдерістерінің барлық кезең­ін­де барынша ашықтық пен мөл­дірлікті қамтамасыз ету, сай­лауда сайлаушылар мен канди­даттардың конституциялық құқық­тарын сақтау мәселелері бойын­ша пікір алмасып, сайлау нау­қаны кезінде СБРҚК-ның байқаушылары мен ЖСДП-ның сай­лауалды штабының өзара іс-қимылын үйлестіру тетіктері туралы ортақ ұстанымға келді. СБРҚК төрағасы Нұр­лан Ерім­­бетов кездесуге қатысу­шы­лар­ға комиссияның қызметі мен мін­­дет­тері туралы әңгімелеп берді: – Біздің комиссия осы кезге дейін өткен барлық сайлау науқандарына белсенді қатысып, үлкен тәжірибе жинақтады. Біздің міндетіміз – сайлау үдерістерінің барлық кезеңдеріне жан-жақты мониторинг жүргізу. Оған үгіт материалдарын жинау мен талдау, сайлаудың еліміздің сайлау заңнамасы мен халықаралық құқық нормаларының барлық талаптарына сәйкес жүргізілуін байқау кіреді. Сайлауды байқау жө­ніндегі республикалық қоғам­дық кеңестің қызметі, өзге де бай­қау миссиялары секілді, электоралды үдеріске, халықтың сая­си-құқықтық мәдениетінің жоға­рылауына оң ықпал етеді. СБРҚК-ның қазіргі құрамында елімізге белгілі және құрметті адам­дар: құқықтанушы-заңгер­лер, тәуелсіз БАҚ-тар мен ҮЕҰ-ла­р­дың, шығармашыл интелли­ген­цияның өкілдері, қоғам қай­рат­керлері бар, – деді Н.Ерімбетов. Өз кезегінде ЖСДП өкілі Се­рік­­бай Әлібаев СБРҚК өкілдері­не өзінің ризашылығын білдіре келіп, қоғамдық байқау тетігінің үл­кен маңызға ие екенін атап көрсетті: – Сіздер сайлауды байқау бо­йынша жауапты миссияны жүзе­ге асырасыздар. Сайлауалды нау­қан барысында СБРҚК сияқты қоғамдық құрылымның жұмыс істегені өте маңызды. Біздің партия СБРҚК-мен ынты­мақтастыққа дайын. Тек бірлесіп атқарған жұмыстар мен сындарлы өзара іс-қимыл ғана сайлау науқанының мөлдірлігін, әділ­дігі мен ашықтығын қамта­масыз етуге қауқарлы, – деді С.Әлібаев. Сәулебек БІРЖАН.