Өнерлілер – өңірлерге

Ақмола облысының мәдениет басқармасы «25 қайырымды іс» республикалық акциясының аясында «Өнерлілер – өңірлерге» облыстық акциясын өткізуді жалғастыруда. Облыс, аудан орта­лық­тарынан шалғай жатқан ауыл­дарға облыстық филармо­нияның, театрлардың кәсіби әртіс­тері барады. «Кітап – ауыл­ға» библиокеруенін М.Жұ­ма­баев атындағы Ақмола об­лыс­тық әмбебап ғылыми кітап­­ханасы, ал «Өлкенің асыл мұ­расы» қолданбалы сән өнері көрмесін облыстық тари­хи-өлкетану музейі ұйым­дастырды. «Өнерлілер – өңірлерге» облыстық акциясына қаты­су­шылар Целиноград ауданының Қоянды ауылына барды. Акцияға 70-тен аса облыс­тық филармонияның әртіс­тері, олардың ішінде ҚР Еңбек сіңірген әртісі Шолпан Дүкім­баева, «Мәдениет қайраткері» белгісінің иегерлері Жанат Есов пен Мереке Бекма­ғамбетов, Халықаралық байқау­лардың лауреаттары Махаб­бат Мұхамеджанова мен Эль­мира Төлеубаева, Серік­болсын Бекмолдин, Сәр­сенбай Хасенов, Эльми­ра Нысанбаева, Ләззат Ыды­ры­сова, Алмаз Оразалин, сонымен қатар, Халықаралық «Шабыт» шығармашылық жас­­тар фестивалінің лау­реаты «Айнакөл» фольк­лор­лық ансамблі, «Ару» қобыз­шылар триосы, «Гәкку» би ан­самблі, облыстық тарихи-өл­кетану музейінің ғылыми қыз­меткерлері, М.Жұма­баев атындағы Ақмола облыстық әмбебап ғылыми кітап­ханасының қызметкерлері қатысты. Ауыл тұрғындары кон­церттік бағдарламаны қуанышпен қарсы алды. Фойе­де кітап, музей көрмелері көр­сетілді, сонымен қатар, «Кітап сыйла» акциясы аясында ауыл тұрғындарына сыйлық ретінде кітаптар таратылды. «Егемен-ақпарат».