Қазақстанда мектеп оқушылары

бірыңғай киім үлгісіне көшеді Республика көлемінде бірыңғай мек­теп формасына көшу мәселесінің талқыланғанына біраз уақыт болды. Жуырда осы жайт өз шешімін таппақ. Атап айтқанда, Үкімет барлық қазақстандық оқушылар үшін бірыңғай киім үлгісін анықтайтын болды. Егер нақты шешім қабылданса, ел бойынша мектепке баратын ұл-қыздар­дың барлығы бірдей үлгіде киінетін бо­лады. Білім саласының мамандары жаңа бірыңғай киімнің үлгісі мен түсін таңдауға ата-аналар комитетінің мүшелері де қатысатынын айтып отыр. Бұл – форма таңдауда кез келген ата-ананың ұсы­­­­ныстары мен тілектері ескерусіз қалмайды деген сөз. Негізі, мектеп оқушылары биылдан бастап бірдей киім киюлері керек еді. Алайда, бұл бастама тағы кейінге ше­геріліп қалды. Қазіргі таңда Білім және ғылым министрлігі оқушылардың мектеп формасын таңдап жатқанын хабардар етті. Әзірге облыс орталықтарындағы әр мектеп басшылығы оқушылар киіміне қатысты өзіндік талаптарын қойып отыр. Ондағы ең басты шарт – балалардың формалары бір стильде болуы керек. Мәселен, бір мектепте оқушылар нақты бір түсте арнайы тігілген жилет кисе, өзге білім ордасындағы балалар классикалық ақ-қара түсті костюм киеді. Ернар МҰХАМБЕТ.