АҚШ-та саяхатшыларға арналған ғарыш кемесінің таныстырылымы өтті

АСТАНА. 20 ақпан. Америкалық Virgin Galactic компаниясы саяхатшыларға арналған суборбиталдық SpaceShipTwo жаңа үлгідегі ғарыш кемесінің таныстырылымын өткізді. Бұл туралы ТАСС ақпарат агенттігіне сілтеме жасаған egemen.kz тілшісі хабарлады. Бұл кеме осыдан бір жарым жыл бұрын апатқа ұшыраған үлгісінің орнына шығарылып отыр. Ғарыш компаниясының иесі британиялық миллиардер Ричард Брэнсон Лос-Анджелеске жақын маңда орналасқан сынақ орталығындағы ұшақ тұрақтардың бірінде  мамандарға, журналистерге және Virgin Galactic-тің әлеуетті тұтынушыларына көрсетті. Сыртқы түрі бойынша кеменің 2014 жылы қазанда Калифорнияның оңтүстігіндегі Мохаве шөлінде ұшу сынағы кезінде қирап қалған бұрынғы үлгісінен еш айырмашылығы жоқ. Зерттеушілер оның апатқа ұшырауына негізінен ұшқыштардың қателігі себеп болған деп отыр. Нәтижесінде олардың бірі қаза тауып, екіншісі жарақат алған. Virgin Galactic өкілдері, апаттан кейін оның себептері анықталып, тиісті қортындылар жасалғанына және жаңа нұсқасы – VSS Unity атағына ие болған SpaceShipTwo кемесінің қайта құрастырылғанда қауіпсіздіктің барынша сақталғанына сендіріп отыр. Оның көп қызметі енді автоматтандырылған. Бірқатар міндеттерді орындау барысында ұшқышты арнайы орнатылған компьютер сақтандырып отырады. Құрастырушылар әзріге оның ұшу сынағы қашан болатынын айтпады. Бұқаралық ақпарат құралдарының айтуынша, осы жылдың соңына дейін жүзеге асатын көрінеді. Көптеген АҚШ-тың ғарыш саласының сарапшылары 2014 жылғы Virgin Galactic кемесінің аптынан кейін компания беделі айтарлықтай төмендегенін мәлімдеді. Олар бұл жобаны ақтап алудың жалғыз жолы жаңа үлгіні сынақтан сәтті өткізу дейді. SpaceShipTwo тек туристік мақсатқа ғана арналып дайындалады. Саяхатшыларға екі сағат бойы жүз шақырым биіктіктен Жерді тамашалау құны 250 мың болады деп жоспарланып отыр. Кеме борты екі ұшқыш пен алты жолаушыға ғана арналған деген болжам бар. Осындай жолмен ғарышта болып қайтуға тілек білдіріп отырғандар саны 800-ден асты. Олардың арасында Том Хэнкс пен Анджелина Джоли секілді белгілі актерлер бар. Аян Әбдуәли. Дерек, сурет: ТАСС.