Бұл не қылған марғаулық?

Мәссаған! Қазақстанның намысын табысты қорғап жүрген спортшының не баспанасы, не қаражаты жоқ «Нұр Отан» ХДП облыстық филиалының қоғамдық қабыл­дау­ында Қостанай қаласындағы №1 Балалар мен жасөспірімдер спорт мектебінің директоры В.Ку­ли­ковтың және «Жас Отан» жастар қанаты мүшелерінің 1986 жылы туған Қазақстан Республикасының халықаралық дәрежедегі спорт шебері Залим Кувамбаев сияқты нақ­ты болашағы бар, жас спортшы­лар­ды қолдау туралы сөз қозғалды. З.Кувамбаев облыстық орталықтан шалғай орналасқан Қамысты ауда­нында тұрады, Қазақстанның чем­пионы атағын бес рет жеңіп алған, 2010 жылы Қазақстанның рекор­дын жаңартқан және осы жылы Азия чемпионатында үш рет Азия рекордын жаңартып, ерлер ара­сын­дағы Азия чемпионында же­ңім­паз атанған. Біз Қазақстанның Әнұраны ойнағанда, стадион үстінде Туы­мыз желбірегенде спортшылары­мыз­бен мақтанамыз. Ал З.Кувам­баев­тың еңбектері үшін оны осы уақытқа дейін ешкім марапат­та­мапты, тіпті оған рахмет айтқан да адам жоқ екен. Пауэрлифтинг бой­ынша ұлттық  құраманың мүшесі бола тұра, ол облыстық және рес­публикалық бюджет қаражатта­ры­нан тіпті оқу-жаттығу өткізуге де қаржылай немесе материалдық көмек алмаған көрінеді. Басқа мемлекеттерден легионерлерді, спортшыларды шақыра­мыз, бірақ неге өзіміздің спорт­шы­ларымызды назардан тыс қалды­рамыз. Спорттың жекелеген түрле­ріне ерекше назар аудару кезінде пауэрлифтингпен айналысатын Залим Кувамбаев сияқты Азиядағы ең үздік спортшыларымыз неліктен назардан тыс қалып қоя береді? «Дене шынықтыру және спорт туралы» Қазақстан Республикасы Заңының 30-бабының 1-тарма­ғын­да: «Дене шынықтыру және спорт жөніндегі уәкілетті орган, спорт түрлері бойынша қоғамдық бірлестіктер, жергілікті атқарушы органдар әралуан спорт түрлері бой­ын­ша Қазақстан Республикасының құрама командалары құрамына кір­ген немесе кіретін «Қазақстан Республикасының халықаралық дәрежедегі спорт шебері» атағы бар аса көрнекті спортшыларға... бюд­жеттер, сондай-ақ заңда тыйым салынбаған өзге де көздер есебінен ай сайын ақшалай қаржы төлей алады», – деп жазылған. Әрине, бұл бап ешкімді еш­нәр­сеге міндеттемейді, мүмкін «төлей алады» деген сөздерді «төлейді» деген сөзбен ауыстыру қажет болар. Бүгін еліміздің және жергілікті атқару органдары бюджетінің өз елінің намысын қорғаушы патриот болып табылатын бірнеше спорт­шы­ға жағдай жасауға мүмкіндігі бар. Қазіргі уақытта Қазақстанның намысын қорғап жүрген спорт­шы­ның не баспанасы, не ақшалай қаражаты жоқ. Спорт саласының шыңында отырған шенеуніктер осындай маңызды мәселеге дер кезінде назар аударып, адал еңбекті өз деңгейінде бағалай білулері аса қажет-ақ. Жергілікті билік те мұндай қадамнан тыс қалмаса, жеңісті жолдар жалғасатыны анық. Бағила БАЙМАҒАМБЕТОВА, Мәжіліс депутаты.