Өңірдегі теңдесі жоқ зауыт

Жаңа жылдың алғашқы күндерінен бастап «ENKI» жауапкершілігі шектеулі серіктестігінің керамикалық кірпіш шығаратын жаңа зауыты өнім бере бастады. Ол «Қазақстан Республикасының 2010-2014 жылдарға арналған үдемелі индустриялық-инновациялық даму» мемлекеттік бағдарламасы шеңберіндегі аса ірі жоба саналады. Маңызды нысанды жергілікті «Элеватормельмонтаж» ЖШС құрылысшылары дер кезінде әрі сапалы атқарып шықты. Испанияның «Solinser» фир­масының озық желісі ор­на­тылған заманалық зауытта әртүрлі түс пен пішіндегі құрылыс өнімінің 30 түрі шы­ғарылуда. Жұмыс түгел­дей автоматтандырылған. Сапа талаптары компьютермен бақыланады. Кірпіш газбен күйдірілетіндіктен, Көкшенің эко­логиялық тазалығына нұқ­сан келмейтіні атап көрсе­ті­луде. Кәсіпорын директоры Данила Галамбец жобаның жалпы құны 6 миллиард теңгеден асып түссе, қазақстандық үлес 2,9 миллиард теңгені құрайтын­ды­ғын  айтады. Көптен күткен зау­ыт­та жаңа 250 жұмыс орны құрылып отыр. Сондай-ақ, кә­сіп­орын толық қуатында жұмыс істейтін алдағы кезде Көкшетау қаласының бюджетіне жылына 400 миллион теңге қаржы аударылады деп жоспарлануда. Технологиялық сынақтан ойдағыдай өткен «ENKI» өнім­дері ішкі қажеттілікпен қатар, экспорттық бағдар ұс­та­нады. Қазірдің өзінде Ре­сейдің сегіз облысы мен Алтай өлкесіне Көкшетау кірпіш­терін жөнелту туралы мә­міле пысықталуда. Бақберген АМАЛБЕК. Ақмола облысы.