Құқық қорғау қызметі жаңашыл талаптармен толыға түсуде

Алматы қаласында «Процестік заңнаманы жаңғырту – сот төрелігі және құқық қорғау қызметі тиімділігінің кепілі» атты халықаралық конференция өз жұмысын бастады. Аталмыш конференцияны Қазақ­стан Республикасының Жо­ғарғы Соты еліміздің Консти­туция­лық Кеңесімен, Бас Прокура­тура мен БҰҰ-ның Даму бағдар­ламасы, Еуро­одақ жобасы, Еуро­па кеңесінің Венеция комиссиясы, ЕҚЫҰ-ның Астанадағы Бағ­дар­ламалар кеңсесі мен Герма­нияның халықаралық ынтымақ­тастық жөніндегі қоғамы және Гер­ман халықаралық құқық ынты­мақ­тастығы қорымен бірлесіп ұйымдастырып отыр. Іс-шараға Жоғарғы Соттың Төр­ағасы Қайрат Мәми, Конс­ти­туциялық Кеңестің Төрағасы Игорь Рогов, Жо­ғарғы сот кеңесі­нің төрағасы Анатолий Смолин, Бас прокурордың орын­­ба­сары Жақып Асанов, сон­­дай-ақ, Жо­ғарғы Соттың судья­­лары, облыстық және со­ларға теңес­тірілген соттар­дың төрағалары, Конс­титу­циялық кеңестің мүше­лері мен үкіметтік емес ұйым­дар­дың өкілдері, құқық қорғау саласының сарапшы мамандары қатысуда. Конференцияға халық­аралық ұйымдардан – ЕҚЫҰ-ның Аста­на­дағы Бағдарламалар кеңесінің басшысы Дьер Сабо, БҰҰ Даму бағдарламасының Қазақстандағы стратегиялық қолдау басқарма­сының басшысы Ирина Горю­нова, Еуропалық кеңес Вене­циялық комис­сиясының Орталық Азия­дағы жоба менеджері Свет­лана Анисимова, ЕурАзЭҚ со­ты­ның судьясы Венера Сейті­мова, Кельн қаласының Жоға­ры жер сотының вице-прези­денті Кристиан Шмиц-Юстен, «Бэй­кер энд Маккензи – Си-Ай-Эс Лимитед» ком­паниясы фи­лиа­лының дирек­торы Куртис Мас­терс, халық­аралық «Reed Smith» заң фир­масының Астаналық кеңсесі серіктестігінің басшысы Белин­да Пейсли қатысуда. Соны­­мен қатар, форумға Ресей­ден, Польшадан және басқа да мемлекет­терден делегаттар мен шетел­дік көрнекті сарапшылар, құ­қық­танушы-ғалымдар шақырылған. Сот төрелігіне қолже­тім­діліктің кепілі ретінде 2016 жылдың 1 қаң­тарынан бас­тап күшіне енген Азаматтық процестік кодекске енгізілген негізгі жаңашылдықтардың сапалы іске асырылуы мен кеңі­нен насихаттап, талқылануын қамтамасыз ету аталмыш кон­фе­ренцияның басты мақсаты болып отыр. Форумның ашылу салтанатында сөйлеген ҚР Жоғарғы Сотының Төр­ағасы Қайрат Мәми процестік заңна­маның ең басты жаңашылдықтары тура­лы айта келіп, жаңа коди­фи­кацияланған заңды әзірлеу­де дауларды шешудің баламалы тәсілдерін дамытуға бағыт­талған азаматтық істерді ың­ғайлы әрі жылдам қарау­дың тәртібін құруға басым­дық берілгендігін және сот төрелігінің қалпына келтіру сипа­тын негіздеп, дауларды шешудің уақыты қысқара­тын­дығы мен азаматтық қатынас деңгейінің артатындығын атап өтті. Үш сессия шеңберінде өткен конференцияның «ҚР Аза­маттық процестік кодек­сі­нің инвесторлардың қаты­суымен дауларды қарау жөнін­дегі жаңашылдықтары» атты бі­рінші сессиясында инвес­тициялық даулар бойынша сот істерін жүргізудің ерек­шеліктері, инвесторлардың қатысуымен дауларды қарау, инвесторлардың қатысуымен салық дауларының соттылығы және «Төрелік туралы» жаңа заңның мәселелері қаралды. Екін­ші сессия жұмысы «Азамат­тардың сот төрелігіне қолже­тімділігін қамтамасыз ету. Аза­маттық процесті жеңілде­туге бағытталған заманауи құ­қықтық тетіктерді енгізу» та­қырыбында өрбіп, Еуропадағы электронды сот төрелігінің қазіргі және келешектегі даму үдерісі, құқық көзі ретіндегі сот тәжірибесі мен төрелігін арттырудағы рөлі талқыланды. «Сот актілерін қайта қарау бойынша іс жүргізу» деп аталатын үшінші сессия шеңберінде Азаматтық процестік кодексті іске асыру тұрғысындағы азаматтық процестің мін­дет­тері мен қағидаттары, Гер­мания мен Қазақстандағы реви­зиялық-кассациялық іс жүр­гізуге қатысты салыстырмалы қадағалау, ЕурАзЭҚ елдері соттарының сот актілерін қа­рау тәжірибесі мен басқа да мәселелер қаралуда. Конференция барысында қатысу­шылар бағдарламада көрсетілген бар­лық мәселелер бойынша сындарлы пікір алмасып, Жоғарғы Сот судья­лары әзірлеген Азаматтық процес­тік кодекс бойынша тақырыптық таныс­ты­рылымдарға қызу қатысты. Қанат ЕСКЕНДІР, «Егемен Қазақстан». АЛМАТЫ.