Гобиге беттеген мың түйе

Моңғолияның түстік беткейіндегі атақты Гоби шөлінің аумағында мың түйенің қатысуымен ғасыр жарысы өткелі жатыр. Ұйымдастырушылар осы арқылы Гиннестің тағы бір рекордын жаңартуға бел буды. Жалпы, Моңғолияның Умнуговь аймағындағы Да­ланзадгад сұмынында жыл сайын түйе мерекесі өтіп тұ­рады. Даланзадгад қаласы Гоби шөлінің шығыс жағын­дағы Гурван-Сайхан-Уул тау­ларының етегінде орна­лас­қан. Ол елдің астанасы – Улан-батордан 540 шақырым қашықтықта. Ал биылғы жылы мұнда шараның ауқымы барынша кеңейтіліп, қысқы мереке «Моңғол түйесі-999» деп аталды. Ұйымдастырушылар моң­­ғолдың қос өркешті түйе­сінің даңқын асыру мақсатында бұл жолы бәйгеге мың түйе жинап қатыстырып, әлем рекордына өзгеріс енгізбекші. Реттік саны бойынша биыл 19-шы рет өткізілетін қыс­қы фестивальдің тізгінін «Тумэн тэмээ» түйемен сая­хат жасау ассоциациясы қолға алды. Мереке бағдарламасына әртүрлі қызықты шаралар енгізілген. Онда, мысалы, түйе үстіндегі поло ойыны, шұ­баттан жасалған сапалы өнімдер жәрмеңкесі, сондай-ақ, түйе жүнінен жа­салған бұйымдар көрмесі орын алады. Дамир ҚОЖАМҚҰЛ.