АҚШ-та ірі сауда орталығы өртенді

АСТАНА. 9 наурыз. АҚШ-тың Иллинойс штатына қарасты Чикаго қаласында жергілікті сауда орындарының бірі өртенді. Бұл туралы РИА «Новости» ақпарат агенттігіне сілтеме жасаған egemen.kz тілшісі хабарлады. NBC телеканалының хабарлауынша, оқиға орнында ешкім зардап шеккен жоқ. Алайда, өрттің салдарынан сауда орталығының шатыры түгелімен өртеніп, артынша автотұрақта тұрған 7 көлік отқа оранған. Қазіргі кезде өртке қарсы қызмет органыны тергеу амалдарын жүргізіп жатыр. Сауда орталығы күзетшісінің айтуынша, өрт басталған кезде ғимарат ішінде 6 адам болған. Олар дер кезінде шығып үлгерді. Жергілікті билік өрт сөндіру қызметкерлерінің әлі бірнеше сағат бойы оқиға орнында болатынын мәлімдеді. Аян Әбдуәли. Дерек, сурет: РИА «Новости».