Күн тәртібі келісілді

Сенат бюросында палатаның кезекті отырысының күн тәртібі келісілді, деп хабарлады Қазақстан Республикасы Парламенті Сенатының баспасөз қызметі. Сенаторлар Ақпарат саласын­дағы қылмыстық әрекетке қарсы іс-қимыл бойынша Ұжымдық қауіп­сіздік туралы шарт ұйымына мүше мемлекеттердің өзара іс-қимылы туралы хаттаманы; құқықтық акті­лер туралы; заңнамаға құқықтық актілер мәселелері бойынша түзе­ту­лерді; төрелік туралы; тұрғын үй құрылысына үлестік қатысу туралы; теміржол жолаушылар көлігі мәселелері бойынша заң жобаларын талқылайды. Заңнамаға төрелік мәселелері бойынша; тұрғын үй құрылысына үлестік қатысу мәселелері бойынша; рұқсат беру құжаттарын қыс­қарту және рұқсат беру рәсімдерін оңайлату мәселелері бойынша; мемлекеттік қызметтер көрсету мәселелері бойынша; ғарыш қызметі мәселелері бойынша; мұнай өнімдерінің жекелеген түрлерін өндіруді және олардың айналымын мемлекеттік реттеу мәселелері бойынша түзетулер бірінші оқылымда талқыланады. Депутаттар заңнамаға экологиялық мәселелер бойынша және халықты жұмыспен қамту мәселелері бой­ынша түзетулерді екінші оқылым­да қарайды. Бюрода, сондай-ақ, «Бір жағынан, Қазақстан Республикасы мен екінші жағынан, Еуропалық одақтың және оған мүше мемле­кеттердің ара­сын­дағы кеңейтілген әріптестік пен ын­тымақтастық туралы келісімді рати­фикациялау туралы» заң жобасын Ха­лықаралық қатынастар, қорғаныс және қауіп­сіздік комитетіне беру жөнінде қаулы қабылдады.