10 Наурыз, 2016

Елбасы «Макдоналдс» мейрамханасында болды

278 рет
көрсетілді
1 мин
оқу үшін
05-03-01Мемлекет басшысы Нұрсұлтан Назарбаев «Макдоналдс» жылдам әзірленетін тағам мейрамханасына барды, деп хабарлады Президенттің баспасөз қызметі. Мемлекет басшысы «Мак­доналдс» корпорациясының Қа­зақ­стандағы алғашқы кәсіпор­ны жұмысымен танысып, еңбек ұжымымен әңгімелесті. Мейрамхана ауданы 863 шаршы метр аумақты алып жатыр, келушілер үшін отыруға лайықталған 206 орын бар. Оны безендіруге жаңа тұжырымдарға негізделген дизайндар, сондай-ақ, келушілерге қызмет көрсетудегі ең заманауи жүйелер қолданылған. Компанияның екінші мейрамханасын да 2016 жылы ашу жоспарланған, ал таяу бес жылда тағы 15 мейрамхана ашу көзделіп отыр. «Макдоналдстың» Қазақ­стан­дағы мейрамханаларына азық-түлік сыннан өткен өнім жет­кізу­ші­лерден келетін болады. Соны­мен бірге, жергілікті өнді­ру­шілер базасын дамыту жұ­мыстары жалғасуда. Мейрамхананың Астанадағы ресми ашылу рәсімі 8 наурызда өтті. * * * «Макдоналдс» – қоғамдық тамақтандыру және жылдам қыз­мет көрсету саласындағы әлемдік көшбасшылардың бірі. Әлемнің 120 елінде компанияның 36 мың кәсіпорны келушілерге қызмет көрсетеді.