«Ислам мемлекетінің» мыңдаған содыры туралы деректер белгілі болды

АСТАНА. 10 наурыз. Ұлыбританияның Sky News телеарнасы «Ислам мемлекеті» лаңкестік тобының мыңдаған содыры туралы деректер сақталған құжаттарға қол жеткізгенін мәлімдеді. Бұл туралы РИА «Новости» ақпарат агенттігіне сілтеме жасаған egemen.kz тілшісі хабарлады. Телеарнаның хабарлауынша, лаңкестік топтың содырлары жөнінде жеке мәліметтер жинақталған құжаттарды ұйымның бұрынғы мүшелерінің бірі әкеліп берген. Онда 22 мың адамның аты-жөндері, мекенжайлар, телефон нөмірлері, сондай-ақ, «Ислам мемлекеті» лаңкестік ұйымы әскерилерінің отбасы туралы он мыңдаған құжат сақталған. Террористердің арасында 51 елдің өкілдері бар. Олардың әрқайсысы ұйымға мүше болулары үшін 23 сұраққа жауап бере отырып, өздері туралы жеке мәліметтерді жария етуге міндетті болған. Еламан Қоңыр. Дерек: РИА «Новости». Сурет: news-front.info.