10 Наурыз, 2016

Египетте жол апатынан 18 адам қаза тапты

231 рет
көрсетілді
1 мин
оқу үшін
10-03-2016 dtpАСТАНА. 10 наурыз. Египеттің оңтүстігіндегі Синай түбегінде жол апатынан 18 адам қаза тапты. Бұл туралы ТАСС ақпарат агенттігіне сілтеме жасаған egemen.kz тілшісі хабарлады. Қаза болғандардың арасында Египет ішкі істер министрлігінің 12 қызметкері және 4 студент бар. Қалған екі адам жайлы мәлімет әзірге белгісіз. Сондай-ақ, 5 адам түрлі деңгейде жарақат алып, жақын маңайдағы ауруханаға жеткізілді. «Аль-Яум ас-Сабиа» басылымының хабарлауынша, жол-көлік оқиғасы Абу-Рудейс және Оңтүстік Синай провинциясының әкімшілік орталығы Эт-Тор елді-мекендерінің арасында болған. Жолаушыларға толы микроавтобус пен жүк көлігі соқтығысып қалды. Апаттың себебі әзірге белгісіз. Оқиға орнында полиция қызметкерлері тергеу амалдарын жүргізіп жатыр. Аян Әбдуәли. Дерек: ТАСС. Сурет: e1.ru