Нью-Йорк қаласына 2015 жылы 58,3 миллион саяхатшы келді

АСТАНА. 10 наурыз. АҚШ-тың Нью-Йорк қаласына 2015 жылы 58,3 миллион саяхатшы келді. Бұл туралы ТАСС ақпарат агенттігіне сілтеме жасаған egemen.kz тілшісі хабарлады. NYC & Company туристік-маркетинг агенттігінің директоры Фред Диксонның айтуынша, қала билігі биыл бұл көрсеткіш 2,4 пайызға артып, сахатшылар саны 59,7 миллионға жетеді деген болжам жасап отыр. Олардың арасында АҚШ-тың өзге қалаларынан, сондай-ақ, әлемнің түкпір-түкпірінен келетін саяхатшылар бар. Алдын ала болжам бойынша, 2016 жылы туристердің басым көпшілігі Қытайдан келеді. Мамандардың айтуы бойынша, Аспанасты елінен Нью-Йорк қаласына 920 мың адам келеді. Бұл көрсеткіш өткен жылмен салыстырғанда 8,2 пайызға көп. Ал 2018 жылға қарай Қытайдан 1 миллионнан астам адам келеді деп күтілуде. Айта кетейік, Нью-Йорк қаласына Англия, Канада, Бразилия елдерінен қыдырып келушілер саны әлдеқайда көп. Қытай бұл ретте төртінші орынды иеленіп тұр. Аян Әбдуәли. Дерек: ТАСС. Сурет: bravoavia.com.ua.