Сапар ауқымы кең

Қазақстан Республикасының Мемле­кеттік хат­шысы Гүлшара Әбдіқалықова БҰҰ Әйел­дер ахуалы жөніндегі комис­сия­­сының 60-сессиясына қатысу үшін Аме­ри­ка Құрама Штаттарына барды, деп ха­бар­лады Президенттің баспасөз қыз­меті. Г.Әбдіқалықова онда әйел­дер­дің құқықтары мен мүмкіндіктері аясын кеңейту мәселелері жө­нін­де баяндама жасайды деп жос­пар­ланған. Сондай-ақ, Мемлекеттік хатшы 10-12 наурыз аралығындағы сапары аясында Вашингтонда АҚШ-тың ресми адамдарымен, іскер топ өкілдерімен және сараптамалық қоғамдастық өкіл­дерімен бірқатар кездесу өткі­зеді. Атап айтқанда, АҚШ-тың Әйел­дердің жаһандық проб­лемалары жөніндегі елшісі К.Рассэллмен, «Болашақ» бағ­дар­ламасы бойынша оқып жатқан қазақстандық студенттермен кездесуі көзделген. Бұдан бөлек, Мемлекеттік хатшы «Жанды дауыстар» жаһандық әріптестігі» халықаралық үкімет­тік емес ұйымының гала-қабыл­дауында болып, аталған ұйымның прези­денті Э.Нельсонмен кез­де­седі және «Жаһандық көшбас­шы­лық жолындағы марапат» сый­лығы лауреаттарын марапаттау рәсіміне қатысады. Мемлекеттік хатшының Ва­шингтонға сапары Ақ үйдің, Мем­лекеттік департаменттің, Кон­грестің, сондай-ақ, АҚШ-тың іскер және қоғамдық топтарының өкілдері, дипло­ма­­тиялық корпус қатысатын «Нау­рыз» мейра­мы­на арналған мере­келік іс-шарамен қоры­тын­дыла­нады.