Жаңа жолаушылар пойызы

Осы айдың 15 жұлдызынан бастап «Жезқазған – Сексеуіл – Қызылорда» те­міржол желісінде жолаушылар пойы­зы жүре бастайды. Пойыз Жезқазған – Қарсақбай – Байқоңыр – Көктал – Қоскөл – Қа­ра­ше­ген – Абай – Сексеуілді басып өтіп, әрі қарай Арал – Қазалы а­рқылы Қызылордаға дейін қаты­найтын болады. Жалпы 40-тан астам елді мекендерді қамтитын бұл бағыт «Нұрлы Жол» бағдарламасы аясын­дағы әлеуметтік маңызды жоба болып табылады. «Бұған дейін біздің тұрғындар еліміздің оңтүстігіне бару үшін Қарағанды арқылы қаты­нап, көп уақыты мен қаржысын шығындайтын. Енді төте жол салынып, халық жол азабын тартпайтын болды. Бұған қоса, жаңа жол аймаққа тың серпін береді деп сенеміз», дейді Жез­қаз­­ған қаласының әкімі Ба­тыр­лан Ахметов. Пойыз Жезқазғаннан 19 сағат 12 минутта шығып, Қызылордаға келесі күні 19 сағат 53 минутта келеді. «Егемен-ақпарат».