Екі ел ынтымақтастығы арта түспек

Кеше Премьер-Министрдің бірінші орынбасары Бақытжан Сағынтаев Астанада Қазақстан Республикасы мен Өзбекстан Республикасы арасындағы Екіжақты ынтымақтастық жөніндегі бірлескен үкіметаралық комиссияның 15-ші отырысына қатысты, деп хабарлады Премьер-Министрдің баспасөз қызметі. Өзбекстандық делегацияны Өзбекстан Республикасы Премьер-министрінің бірінші орынбасары – қаржы министрі Рустам Азимов басқарды. Отырыс барысында өза­ра тауар­лар жеткізуде оның түр­лерін ұлғайтуға қатысты сауда-экономикалық ынтымақ­тастық мәселелері, екі елдің энергия жүйелерінің тұрақты жұмысын қамтамасыз ету мәселелері талқыланды. Көлік саласында тараптар автомобиль, теміржол және әуе қатынасын дамыту үшін күш-жігер жұмсауға уағдаласты. Оның сыртында Сыртқы істер министрлігі арасында келісім­шарт­тық-құқықтық базаны ұлғай­ту мәселелері бойынша консультациялар өткізілді. Кездесу барысында Бақытжан Сағынтаев пен Рустам Азимов тауарлар мен қызметтер саудасы, мұнай-газ секторы, көлік, туризм сияқты басымдыққа ие сала­лар­дағы мемлекеттердің ынтымақ­тастығын одан әрі жалғастыруға деген ниеттерін білдірді.