12 Наурыз, 2016

Ауылым – алтын бесігім

4123 рет
көрсетілді
1 мин
оқу үшін
Ауыл билборд-2Ауылда бәрі, ауылда, Ағайын, туыс, бауыр да. Төзімі берік жұрт сонда, Кеудесін тосқан дауылға. Түрілген ерте түңлігі, Қоңырқай шаруа тірлігі. Атажұрт, арда ерлердің, Кесілген мұнда кіндігі. Қайсарлық тұнған қанында, Тектілік соққан тамырда. Ауылды қолдап, дауыс бер, Қараша жұртым, қауымға. Ауылда туған намысты ер, Президент, ғалым, ғарышкер. Шаруаның қамын күйттесең, Ауылды қолдап дауыс бер. Бәсеке, талас, нарықтар, Нарықта баға шарықтар. Ауылды қолдап дауыс бер, Ауылдан шыққан алыптар! Шаңырақ, уық, басқұрың, Ауылда салтың-дәстүрің. Шаруаны ойлап дауыс бер, Қамбаға құйған астығын. Төрт түлік малын өсірген, Жаз жайлауға көшірген. Ертеңің жарқын болады, Шықпаса ауыл есіңнен. Алмаған оттан қазанын, Ауылда бүгін ғазал үн. Қарға тамыр дауыс бер, Ауылдың ойлап ажарын. Жұмыссыз, ойсыз жүргенше, Көтерсін жастар бірге еңсе. Отаным көктер әуелі, Ауылым өсіп, гүлденсе! Ауылды шын ер қолдайды, Ауылды шын ер қорғайды. Ауылың мұңлы боп тұрса, Отаның нұрлы болмайды. Ауылда бәрі, ауылда, Мал-жаның, бақша, бауың да. Ауылға жаның ашыса, Тезірек шешім қабылда! Ауылда әжең, аташың, Алуға асық батасын. Ауылға дауыс берумен, Биліктің көтер, сапасын! Айтақын БҰЛҒАҚОВ.