Үрімшіде Қазақстан азаматы өз-өзіне қол жұмсады

АСТАНА. 15 наурыз. Қытайдың Шыңжаң-Ұйғыр автономиялық өлкесіне қарасты Үрімші қаласында 25 жастағы Қазақстан азаматы Ербол Суханов өз-өзіне қол жұмсап, қаза тапты. Ол сол қаладағы «Әдемі» дәмханасында кассир болып жұмыс істеген. Бұл туралы zakon.kz-ке сілтеме жасаған egemen.kz тілшісі хабарлады. «Әдемі» дәмханасының иелері Ербол Сухановтың қазасы туралы ақпаратты бірінші болып полиция хабарлаған. Олардың айтуынша, Ербол кеше, 14 наурыз күні сағат 8.00 шамасында өзі тұрып жатқан қонақүйдің ауласында өзіне-өзі қол салған. Сондай-ақ, дәмхана иелері Қабыл Шалқар мен Болат Жақыпов оның 100 мың долларды ұрлағанын анықтағанын, бұл жайт бейнебақылау таспасындағы жазбамен расталғанын мәлімдеген. Қазіргі таңда тәртіп сақшылары Ербол Сухановқа қатысты зорлық-зомбылық әрекеттерінің орын алмағанын анықтады. Десе де, тергеу амалдары жүргізілуде. Айта кетейік, қаза тапқан азаматтың ата-анасы Үрімші қаласына барып, ұлының денесін алып кету үшін құжаттарды рәсімдеуде. Талғат Райымбек. Дерек: zakon.kz. Сурет: kursiv.kz.