Мексикада зика безгегін жұқтырған адам саны 150-ден асты

АСТАНА. 15 наурыз. Мексикада зика безгегін жұқтырғандар саны күн санап артып барады. Бұл туралы ТАСС ақпарат агенттігіне сілтеме жасаған egemen.kz тілшісі хабарлады. Қазіргі кезде дәрігерлер зика эпидемиясын жұқтырған 151 науқасты анықтады. Олардың арасында 25 адам – жүкті әйелдер. Жергілікті биліктің хабарлауынша, басым бөлігі, яғни 75 адам Чьяпас штатында емделіп жатыр. Оахака штатындағы 59 адам дәрігерлердің бақылауында, ал қалған бес адам Герреро штатының тұрғыны. Дәрігерлердің айтуынша, олардың жағдайы бір қалыпты. Айта кетейік, зика – алғаш рет 1947 жылы Уганда мемлекетінде пайда болған. Осыдан соң Африка елдеріне тарала бастады. Маймылдар арасындағы жұқпалы ауру болып есептеледі. Ал адамдар арасында тарауына негізінен Aedes aegypti түріндегі масалар себепші болады. Аталған безгек әсіресе, жүкті әйелдер үшін аса қауіпті. Қатерлі індетке шалдыққан болашақ анадан микроцефалия ауруына шалдыққан нәресте дүниеге келеді. Ол өз кезегінде баланың бас сүйегін мөлшерінен тыс кішірейіп, ми құрылысының дамуына зиянын тигізеді. Сондай-ақ, ақыл-есі кем болып, есту, көру сезімдерінде ауытқушылықтар пайда болады. Бұл кезде арнайы вакциналар көмектеспейді. Аян Әбдуәли. Дерек: ТАСС. Сурет: regnum.ru.