Партиялар арасында пікірсайыс өтті

«Қазмедиа» орталығындағы «Хабар» телеарнасында ҚР Парламенті Мәжілісі депутаттығына партиялық тізімін ұсынған саяси партиялар арасында телепікірсайыс ұйымдас­тырылды. Оған «Нұр Отан» партиясы Төрағасының бірінші орынбасары Асқар Мырзахметов, Қа­зақстанның «Ақ жол» партиясының төраға­сы Азат Перуашев, «Ауыл» халықтық-демо­кра­тиялық партиясының төрағасы Әли Бек­таев, Қазақстанның Коммунистік халық пар­тиясының құрметті хатшысы Владислав Косарев, Жалпыұлттық социал-демократиялық партиясының өкілі Зәуреш Батталова және «Бірлік» партиясының мүшесі Роза Қуанышева қатысты. Пікірсайыс 3 раунд бойынша өтті. А­л­ғашқы раунд «Әлемдік экономиканың нақ­ты­лығы: проблемалары мен перспективалары», екінші раунд «Қазіргі жағдайдағы инфра­құрылым, көлік, логистика» деп аталды. Ал үшінші раундта пікірсайысқа қатысушы пар­тиялардың өкілдері өз сайлау­шыларына үн­деу арнады. Әлисұлтан ҚҰЛАНБАЙ, «Егемен Қазақстан».