Астанадағы алғашқы концерт

Майра Мұхамедқызы сүйікті халқына ән шырқап береді Майра Мұхамедқызы Бейжің, Гонконг, Париж, Ыстамбұл, Дели, Сеул және әлемнің басқа да көптеген қалаларының әйгілі сахналарында ән шырқаған өнер жұлдызы. 22 наурызда опера әншісі қазақстандықтар алдында өнер көрсетеді. Майраның айтуынша, оның жүрегі мен жан дүниесі сүйікті халқына тиесілі. «Шырқар әнім – Астана көктемі» атты ғажап концерт «Астана Опера» театрының Үлкен залының сахнасында өтеді. Қазақстанның еңбек сі­ңірген әртісі, П.Чайков­ский атындағы ХI Халық­аралық конкурстың же­ңім­пазы, Мем­лекеттік сый­лықтың лау­реа­ты Майра Мұхамедқызы өзінің дос-жарандары мен әріптестері: Қазақстанның еңбек сіңірген қайраткері, Татарстанның еңбек сіңірген әртісі Нұр­лан Бекмұхамбетов (тенор), Қазақстанның еңбек сіңірген қайраткерлері: Ди­на Хамзина (меццо-сопрано), Медет Шотабаев (те­нор), Сүндет Байғожин (ба­ритон), сонымен қатар Рам­зат Балакішиев (тенор), Талғат Ғалеевпен бірге (баритон) ариялар, дуэттер жә­не қазақтың ха­лық әндерін орындайды. Концертке балет әртістері, «Астана Опера» хоры мен симфониялық ор­кестрі қа­тысады. Дирижер – Қазақстанның еңбек сіңірген қайраткері Абзал Мұхитдинов, бас хормейстер – Қазақстанның еңбек сіңірген қайраткері Ержан Дәуітов. – Мен сахнада 20 жыл ән шырқап келемін. Бүгінде армандаған рөлдерімнің барлығын орындап шықтым. Дегенмен менде тағы үлкен арман бар, ол – Ковент-Гарден, Метрополитен-опе­ра театр­ларында өнер көрсету. Бұл концерт – шы­ғармашылықты қоры­тындылау емес, тек жаңа белестің бастауы. Қазақ­стан Республикасының Пре­зиденті Нұрсұлтан Назар­баев сыйлаған тамаша «Ас­тана Опера» театрында менің екінші тынысым ашыл­ғандай. 22 наурызда мен өз халқыма жаңа ұжым­мен бірлесіп дайындаған бағ­дарламаны ұсы­намын. Концертке дай­ын­­дық кезінде біз кон­церт­мейстерім Елена Сах­но­мен көп және табанды жұ­мыс істедік, вокалдық ше­берлікті ұштап, кейбір ерек­шеліктерін жақсылап пысықтадық. Осы кештен тыңдарман нағыз ләз­зат ал­ғанын қалаймын, – дейді Майра Мұха­медқызы. «Егемен-ақпарат».