Алматы қаласының әкімі шаһардағы бірқатар нысандарды аралады

АЛМАТЫ. 17 наурыз. Қала әкімі Бауыржан Байбек аумақтағы жол-көлік қатынастарына қатысты инфрақұрылымдарды аралады. Мұның алдағы жылда болатын Қысқы Универсиада қарсаңында қала «қақпаларының» дайындығын тексеру деп мәлімдеді. Бұл туралы қала әкімдігінің баспасөз қызметіне сілтеме жасаған egemen.kz тілшісі хабарлады. «Президенттің айтқан тапсырмасына сәйкес әлемдік маңызды спорттық шара кезінде, қаланың негізі «қақпаларында» – әуежай, авто және теміржол бекеттерінде қауіпсіздік пен ыңғайлылық әрі халықаралық талаптарға сай сервистік қызмет болуы тиіс» – деді қала басшысы. Алдымен қалааралық «Сайран» авто бекетіне барған әкім одан соң Алматы халықаралық әуежайы мен Түрксіб ауданындағы №1 теміржол бекетінде болды. Қала басшысы Түрксіб ауданындағы жұртшылық өкілдерімен кездесуі барысында Алматыда азаматтардың лайықты өмір сүру үшін барынша жағдай жасалып жатқанын, «Ескі баспана» бағдарламасына сәйкес ескі үйлер сүріліп, жаңа ғимараттар – мектеп, спорт сарайлары ашылғанын атап өтті. Талғат Сүйінбай. Дерек, сурет: Алматы қаласы әкімдігінің баспасөз қызметі.