Елбасының еңбегімен байланыстырады

Президент поштасынан Мемлекет басшысы Нұр­сұл­тан Назарбаев­тың атына ЕҚЫҰ Саммитінің Астанада та­быс­ты өтуіне байланысты Қа­зақстан азаматта­ры­нан келіп жатқан құттықтау хаттары жалға­су­да, деп хабарлады Қа­зақстан Республикасы Прези­дентінің баспасөз қызметі. Рудный қаласындағы қалалық ардагерлер кеңесінің мүшесі А.Ах­метов өз хатында Мемлекет басшысын ЕҚЫҰ Саммитінің Астанада жоғары деңгейде ұйым­дастырылуымен және табысты өтуімен құттықтайды. «Қазақ­стан халықаралық аренада үлкен беделге ие болуда. Халқымыздың әл-ауқатының үнемі артуы, саяси тұрақтылықтың сақталуы, әлем­дік қоғамдастықтың құрметтеуі – осының бәрі Сіздің еңбегіңіздің, Сіздің дана саясатыңыздың нә­тижесі», деп атап өтілген хатта. Ұлы Отан соғысының ардагері, Лисаков қала­сы­ның тұрғыны И.Олейникова хатында ЕҚЫҰ Саммиті Қазақстанның және тікелей Мемлекет бас­шысының ора­сан зор беделінің танылуы еке­нін атап көрсетті. «Мен Же­ңістің 65 жылдығын бәрі біз үшін – ардагерлер үшін жоғары дең­гейде ұйымдастырылған Астанада қарсы алдым. Мен Астанада алғаш рет болдым. Мен Еуро­па­ның қалаларын көрдім, бірақ біз­дің елордамыз – ол ай­рықша қала, ол – барлық қазақстандықтардың мақ­танышы. Президентке бізге көрсеткен қамқор­лы­ғы үшін зор алғысымды айтқым келеді. Бүгінде Қазақстанның әлемдік деңгейдегі осындай биікке жеткеніне өте қуа­ныштымын әрі оны мақтан тұ­тамын және Жеңістің мұрагерлері біздің толқын сақ­тап қалған жер бетінде бейбітшілікті нығайту үшін мүмкін болғанның бәрін жа­сай­тынына то­лық сенімді екенін атап өткім келеді», делінген хатта. «Арай Холдинг» ЖШС бас директоры В.Соложенков өз хатын­да кәсіпорын ұжымы атынан Мемлекет басшысын әлемдік ауқым­дағы және та­рихи оқиға – ЕҚЫҰ Саммитінің Астанада өтуімен шын ниеттен құттықтайды. «Біз, отан­дық бизнес­тің өкілдері, Сізге, Нұрсұлтан Әбіш­ұлы, Саммитке қатысушылардың назарын эконо­ми­­калық және энергетикалық қ­ауіп­­сіздіктің проб­лемаларын ше­шу­дің қажеттігіне аудар­ға­ныңызға дән ризамыз. Біздің бизнес-қоғам­дас­тық тұ­рақтылық, бейбітшілік және келісім орнық­қанда ғана кәсіп­кер­ліктің табысты дамуы мүмкін екенін жақсы біледі. Әрбір қазақ­стан­дық терең сезінетін, ертеңгі күнге сенімділігіміз үшін, Сізге рахмет!», деп атап көр­сетілген хатта. Қазақстан мұсылмандары діни басқармасының Қостанай об­лы­сындағы өкіл имамы Ертай қажы Балахмет Елбасына жол­­даған хатында өткен жыл еліміз үшін ұмытылмастай кезең бол­ғанын, Қа­зақ­стан Еуропадағы қау­іпсіздік және ынтымақтастық ұй­ымына төраға ретінде өз абы­рой­ын асқақ­тат­қанын атап көр­сет­кен. Одан әрі автордың ха­тын­да: «Бұл Саммит дәуірлік ауқым­дағы тарихи оқиға болды. Өйт­ке­ні, бұған дейін ТМД-дан, Ислам әлемінен, тіпті Азиядан ешқан­дай ел ЕҚЫҰ-ға төраға болған жоқ. Біздің еліміз Тәуелсіздігін ал­ған 19 жылдың ішінде қай салада болсын қарыш­тап дамыға­нын осы жолы нақты ісімен көр­сете білді. Мұның бәрі Елбасы Н.Ә.Назарбаевтың әлем­дегі үл­кен беделі мен көреген саяса­ты­ның нақ­ты нәтижесі. Атап өтер­лік жәйт, Алаш жерінде әлем қауіп­сіздігіне қатысты басты құ­жатқа – Астана Декларациясына қол қойылды. Қазақстан ЕҚЫҰ-ға төраға болған 2010 жыл тарихта алтын әріп­термен жазылып қалды», делінген.