Астанада футбол сайтының тұсаукесері болады

АСТАНА. 17 наурыз. Ертең Астанада қалалық футбол федерациясының жаңа сайтының, яғни «Футбол. Фактілер. Ақпарат» порталының тұсаукесер болады. Бұл туралы egemen.kz тілшісі хабарлады. Астана футбол федерациясы – қалада футбол ойынын бұқаралық сипатта дамыту мақсатында құрылған қоғамдық ұйым. Бұған дейін федерацияда электронды басылым болатын. Енді соның негізінде «Футбол. Фактілер. Ақпарат» ақпараттық-сараптамалық порталы ашылды. Бұл сайт Астана футболын ғана емес, жалпы қазақ футболының да сараптамалық тұрғыдағы насихатшысы болуды мақсат етіп отыр. Футбол порталының бізге жіберген баспасөз релизінде «Басқадай мәліметтерді тұсаукесер кешінде біле аласыздар. Астана футбол федерациясының басшылары мен барлық мамандары сіздердің сұрақтарыңызға жауап беруге әзір» делінген. Порталда әріптестерімізден спорт журналистері Нұрғазы Сасаев пен Әділ Оразбаев жұмыс істейді. Тұсаукесер Astana Mall сауда кешенінде (Тәуелсіздік көшесі, 34), 4-қабаттағы Сoworking Multispace жиын залында сағат 11:00 басталады. Дастан Кенжалин. Дерек: Аcтана футбол федерациясы. Сурет: egemen.kz