«Жансая Әбдімәлік Шахмат академиясының» филиалы ашылды

АСТАНА. 17 наурыз. Бүгін Алматыда гроссмейстер, әйелдер арасындағы әлемнің төрт дүркін чемпионы шахматшы, халықаралық шебер Жансая Әбдімәліктің Шахмат академиясының филиалы ашылды. Бұл туралы egemen.kz тілшісі хабарлады. Бұған дейін Алматыда әлемнің ең жас гроссмейстері атанған отандасымыздың жеке академиясы ашылған болатын.  Сол кезде оның әкесі Данияр Әшіров: «Біз академияда үш топта, үш ауысыммен қызмет атқаратын боламыз. Алғашқы топты тегін жаттығады. Көп балалы отбасы мен жетім балалардан ақша алмаймыз. Екінші топтағы отбасы жағдайы орташа балаларды айына 3 000 теңгеге жаттықтырамыз. Ал үшінші топта шахматқа қызығып жүрген балалар жаттыға алады. Олар айына 15 000-20 000 теңгеден астам ақша төлейді», деген еді. Енді міне, сол академия қанатын кең жайып, қаланың бір бұрышында тағы бір орын ашып отыр. Филиал Розыбакиев көшесіндегі №289 үйде орналасқан. Бұл үй Әл Фараби даңғылының қиылысында тұр. Ол «Әйгерім» тұрғын үй кешені деп аталады. Дастан Кенжалин. Дерек, сурет: egemen.kz