Украинада есірткі сатқан оқушы ұсталды

АСТАНА. 17 наурыз. Украинаның Запорожье қаласында полицейлер есірткі саудасымен айналысқан жасөспірімді қолға түсірді. Бұл туралы 24.kz-ке сілтеме жасаған egemen.kz хабарлады. Мектеп оқушысы героин, кокаин және метадон секілді есірткінің ауыр түрлерін сатқан. Ол тапсырыс берушілерді ғаламтордан тауып, нашаны пошта арқылы жіберіп отырған. Ал ақшаны электрондық төлемдер арқылы қабылдаған. Күдіктінің пәтерін тінту барысында құны 50 мың гривна тұратын есірткі табылды. Есірткі қылмысына қарсы күрес департаментінің бөлім бастығы Олег Ягольник: «Бұл жедел іс-шараның арқасында біз ғаламтор желісі мен поштаны пайдалану арқылы есірткі заттарының тасымалын тоқтаттық деп үлкен сеніммен айта аламын», – деді. Айта кетейік, қазіргі таңда жасөспірім аталған есірткі түрлерін қайдан алып отырды, кімдермен байланысы бар екені анықталу үстінде. Талғат Райымбек. Дерек, сурет: 24.kz.